Charter Document - 03781875

H[enricus] rex Angl[orum] archiepiscopis episcopis abbatibus comitibus baronibus uicecomitibus ministris et omnibus fidelibus suis franc[is] et anglicis totius Anglie salutem Sciatis me concessisse deo et abbati et monachis de Tirun pro salute animarum patris et matris mee necnon et salute mea et predecessorm meorum vii libratas et xiiij solidatas terre in Nattelega quam dedera[m] Adam de Port de dominio meo in escambium illius terre quam Adam de Port eis dederat in ualle que dicitur Arga sicut ipse Ada[m] eis in presentia mea concessit et dedit Ceteros etiam redditus et consuetudines quos idem Adam predictis monachis in elemosinam dedit ego quoque regali liberalitate concedo In uilla uidelicet que dicitur Mapeldrewella mansuram terre quam Rann[ulfus] carpentarius prius possiderat et dominicam ipsius Ade pasturam que secus eandem mansuram est Concedo etiam sicut Adam concedit ut dominicum bladum monacorum ad molendinum Ade quod in eadem uilla est sine omni moltura uel aliqua alia consuetudine molatur In bosco preterea de Mappedrell concedo ut predicti monaci habeant porcos suos dominicos omnino quietos sicut dono Ade ibidem sunt quieti Hanc enim consuetudinem Adam sicut cetera dedit eis quam nimirum donationem eius uxor ipsius et filii concesserunt Et uolo et precipio ut in pace et honore et quiete semper possideant Testibus Bern[ardo] episcopo de Sancto Dauid et Ioh[ann]e Baioc[ensi] et Rob[er]to comite de Gloec et Rob[er]to filio Martini Apud Vdestoc