Charter Document - 03781832

H[enricus] [dei gratia] rex Angl[orum] archiepiscopis episcopis abbatibus comitibus justitiariis vicecomitibus ministris et omnibus fidelibus suis francis et anglis salutem Sciatis me concessisse et presente carta confirmasse deo et beate Marie Magdelene et monachis ejus apud Farleam manentibus omnes donationes quas Hunfr de Buh et Matildis mater sua fecerunt eis scilicet totum manerium de Ferl cum omnibus pertinentibus suis preter unam hidam quam Willelmus de Insula tenet Concedo etiam eis ecclesiam de Bissopestr cum omnibus ei juste adjacentibus et unam hidam terre in eadem villa de laico feudo Hunfr et totam decimam de Tornulla et de Stavertuna et decimam omnium indomitorum pullorum ejus et pratum quod est apud Melchesham de feudo abbatisse sancti Edwardi quod predictus Hunfr dedit eisdem monachis Preterea confirmo eis Broctunam quam Ilbertus miles ejusdem Hunfr donavit eis assensu ipsius salvo servitio meo tantum et terram de Hanan quam iidem monachi emerunt de Hugone de Chaldefeld de Lecelina matre sua et terram quam Osmundus Latimer dedit eis in Bera assensu domini sui Hunfr et molendinum de Haseberia quod monachi emerunt de Waltero Croc pro x marcis et diswagiaverunt de Adelicia uxore Roberti de Dunstanvilla l solid[is] et decimam de Ambresberia et de Pubiria et de Beilocheslea quam Gaufridus dapifer Hunfridi dedit eis et decimam de Autuna et unum hominem in eadem villa qui reddit vi solidos ex dono Ilberti de Caz et unam hidam terre apud Wrochescalam quam emerunt de Willelmo Apilrewarde cum prato eidem adjacente pro xx marcis et in eadem villa dimidiam hidam quam Radulfus de Cumbrewella eis dedit Hec omnia concedo atque confirmo in puram et perpetuam elemosinam predicte ecclesie et monachis inibi deo servientibus et servituris in futurum pro salute anime mee et omnium ad me pertinentium et precipio ut ea quiete et in pace et juste et integre et honorifice teneant sicut Hunfridus de Buh et mater sua dederunt eis et alii supranominati et sicut carte eorum testantur qui donaverunt et vendiderunt Insuper concedo eis quitanciam de theloneo et passagio et omni consuetudine per totam terram meam et ad portus maris de omnibus illis rebus quas poterunt infidare esse suas dominicas Et prohibeo ne aliquis vexet eos inde injuste super x li[bras] foris facture Signum Regis H + Signum Willelmi archiepiscopi Cantuar + Signum Henrici Wincestr episcopi + Signum Thome archiepiscopi Eborac + Signum Willelmi de Alben + Signum Eustachii filii Johannis + Signum Johannis marescalli + Apud Winton Signum Rogerii Sarum episcopi +