Charter Document - 03781818
| Charter Number: | 03781818 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1123 - 1133 |
| Date type: | Assigned |
| Resource Link(s): |
|
Charter:
Henricus [dei gratia] rex Anglorum omnibus iusticiariis et ministris suis et forestariis de Sudreia salutem Sciatis me concessisse W[illelmo] abbati de Cert[eseia] et successoribus suis ut habeant warennam suam et canes suos per totam terram in Sudr[eia] infra forestas et extra et faciant capere uulpes et lepores et fesantos et cattos et nullus in ea fuget nisi per abbatem super x libras foris facture Et concedo quod habeant parcos suos clausos de Ebbesham et de Coueham quando uoluerint et habeant omnes bestias quas in eis capere poterunt Et uolo et precipio ut habeant de proprio bosco suo omnia que eis necessaria fuerint ad proprios usus sine liberatione et disturbatione forestariorum meorum Et prohibeo quod nullus iusticiariorum uel ministrorum uel forestariorum meorum inquietet abbatem neque se intromittat infra iiii maneria sua scilicet Cert[eseiam] Egeham Torp et Cebbeham neque in bosco neque in plano nisi per abbatem set sint quieta de omnibus consuetudinibus querelis et placitis que ad me pertinent sicut fuerunt tempore regis Edwardi et tempore patris et fratris mei Testibus Alexandro Lincolniensi episcopo et G[aufrido] cancellario Apud Winton