Charter Document - 03781811

In nomine patris et filii et spiritus sancti Amen Henricus dei gratia rex Anglie archiepiscopis episcopis principibus baronibus et uniuersis fidelibus totius Anglie clericis et laicis francis et anglis tam presentibus quam futuris salutem Quoniam ad hoc a superna potestate regalis celsitudinem potestatis accepimus ut in ecclesia dei potentiam nostram iuste pariter et misericorditer exerceamus uisum nobis est ut non solum sub nostra tuitione et munimine ab infestantium malicia atque calumpnia tueatur uerum etiam ad suarum sustentationem necessitudinum nostri muneris liberalitate foueatur Precipue uero illis hec facere debemus qui uoluntariam subeuntes paupertatem sub regulari disciplina domino militare decreuerunt ut secundum apostolum ex nostra opulentia eorum suppleatur indigentia et nos eorum interuentu in eterna recipiamur tabernacula Damus itaque et sub presentis huius carte nostre priuilegio atque attestatione confirmamus ecclesie sancte Marie de Brellintona et canonicis regularibus domino ibidem seruientibus duas carrucatas terre ex meo dominio quarum una et dimidia est in Estona dimidia uero in Hildertorp solutas et quietas ab omni geldo et omnibus consuetudinibus Cetera uero que a Walt[er]o de Gant et a Jordano Paganel uel ab aliis baronibus et uauassoribus meis data sunt predicte ecclesie et in huius carte nostre pagina continentur concedimus atque eiusdem carte auctoritate confirmamus Walterus de Ganto dedit ipsi ecclesie xiii carucatas terre in Brellintona Jordanus Paganel dedit in eadem uilla i carucatam terre pro anima Geretrud[is] uxoris sue dono et concessione Stephani [de Mainil] priuigni sui Homines Walteri de Gant dederunt eidem ecclesie concessione ipsius Walteri [] Willelmus constabularius dedit i carucatam in Basingebi Forno dedit in eadem uilla ii bouatas Machernus dedit ii bouatas in Hildertorp Radulfus Buhc et Gozelin[us] filius eius dederunt ii bouatas in Estona Radulfus dedit iiii bouatas in Grendala Gozo dedit iiii bouatas in Buchetona Malgerus dedit iiii bouatas in Richtona Morcarus dedit i bouatam in Beintona concessione Roberti de Brus domini sui Item Walt[erus] de Ganto dedit ecclesiam de Edenham et aliam de Witham et dimidiam ecclesiam de Suthferebi et etiam de Fiuelai et ecclesiam de Sualadala Adelard[us] autem uenator dedit concessione Henrici filii sui et concessu Walt[er]i domini sui ecclesiam de Wilardeby et de Galmetona Stephanus comes de Albamara dedit ecclesiam de Bouintona Willelmus filius Nigelli dedit ecclesiam de [Fleme] Burhc Et Eustachius filius Iohannis concessit et in dedicatione ipsius ecclesie accreuit eidem ecclesie i bouatam terre ecclesiam quoque de Cuthima dedit idem Eustachius Eurardus filius Petri dapiferi de Hildernessa dedit ecclesiam de Attingewic Radulf[us] de Gossa dedit ecclesiam de Sproteleia Has omnes ecclesias et terras dederunt predicti domini solutas et quietas ab omni geldo et consuetudinibus preter geldum meum uidelicet danageldum Preterea concedo et confirmo escambium toftorum quod fecerunt inter se canonici et Jordan[us] Paganel Adhuc Willelmus de Moion et uxor eius Agnes dederunt ecclesiam de Wicheforda + Signum regis + Signum G[aufridi] cancellarii + Signum T[urstini] archiepiscopi Ebor + Signum episcopi R[adulfi] Orc + Signum W[illelmi] comitis de Waren + Signum Rob[er]ti filii regis + Signum archiepiscopi Cant + Signum episcopi G[ilberti] Lond + Signum Alexa[n]d[ri] episcopi Lincol + Signum Ioh[ann]is episcopi Rouestest + Signum R[oberti] comitis de L[]cestria + Signum H Bigoth + Signum Walt[eri] Espehc + Signum Iordani Paganell + Signum W[alteri] de Ga[n]t + Signum Eustac[ii] filii Iohannis + Signum Roberti de Brus + Signum G[aufridi] de [] + Signum [] + Signum prioris A[delulfi] de sancto Oswaldo