Charter Document - 03781787

H[enricus] rex Anglor[um] et dux Normannor[um] archiepiscopis episcopis abbatibus comitibus baronibus uicecomitibus et omnibus fidelibus sancte dei ecclesie per Angliam constitute salutem Sciatis me concessisse deo et ecclesie beate Marie de Porcestra et canonicis regularibus ibidem seruientibus ipsam ecclesiam sancte Marie ibidem a me fundatam cum terris et decimis et omnibus rebus eidem ecclesie pertinentibus Et concedo eis ut de bosco meo de Kingesden habeant heibod et husbot et communem pasturam tam in bosco quam in plano et ad focum suum de foresta mea temporibus meis et omnium successorum meorum rationabile sustentamentum sine contradictione et sine ratione percipiant Similiter concedo eis manerium de Candeura in quo sunt quinque hide terre et una uirgata quod manerium Will[elmu]s de Pontearc eis dedit in elemosinam de dominio suo Et in Suwic unam hidam terre et in Appelstede unam hidam terre quam ipse Will[elmus] emit de Yuone Pantulfo ad opus eiusdem ecclesie concessu meo Hanc ecclesiam cum omnibus rebus que ad ipsam pertinent pro animabus patris mei et Will[elm]i fratris mei et matris mee et antecessorum meorum et successorum meorum et pro statu et incolumitate regni mei Sciatis me uelle manutenere et defendere et liberam et quietam esse ab omni seculari seruitio et exactione et grauamine et accepisse in manu et defensione et protectione mea contra omnes homines sicut meam propriam elemosinam Quare uolo et firmiter precipio quod predicti canonici et eorum ministri et seruientes omnes possessiones suas et elemosinas habeant et teneant sum socha et sacha et thol et theam et infangenetheof et utfangenetheof et cum omnibus libertatibus et liberis consuetudinibus et quietantiis in bosco in plano in pratis in pascuis in aquis et molendinis in uiis et semitis in mariscis et piscariis in grangiis et uirgultis infra burgum et extra in omnibus locis et in omnibus rebus solutas et liberas et quietas de shiris et hundredis et de omnimodis sectis et de placitis et querelis et pecunia pro murdris et latrociniis de hamsocha et de foresta de scutagiis et hidagiis geldis et danegeldis hornguld[is] et de assartis de assisis de donis et auxiliis et summagiis et warpani et auerpano et hundredspeni et de meskenninge et boldwite Et sunt in perpetuum quieti tam per terram quam per aquam de theloneo et passagiis et pontagiis et tallagiis et de omni consuetudine et de omnibus occasionibus que sunt uel esse possunt excepta sola iusticia mortis et membrorum Prohibeo etiam ne aliquis in tota terra mea prefatis canonicis uel eorum hominibus molestiam aliquam inferat nec eos pro aliqua consuetudine uel seruitio aut exactione uel pro aliqua causa ullo modo disturbet de rebus suis nec de aliqua re ponantur in placitis nisi in presentia mea uel heredum meorum Testibus Henr[ico] episcopo Wint[oniensi] et Rog[er]o episcopo sar et Bernardo episcopo de Sancto Dauid et Nig[ello] Elyense electo et Gaufr[ido] Dunelm[ensi] electo et Brient[io] filio comitis et Rob[erto] de Ver et Hug[one] Bigoto et Vnfr[ido] de Bohun et Alb[er]ico de Ver et Ric[ardo] Basset Apud Burnam in transfretatione mea