Charter Document - 03781659

Henricus rex Anglorum episcopo Lincolniensi et comiti Huntedon et Willelmo de Luuetot et iusticiariis et baronibus et uicecomitibus et ministris suis et omnibus de quibus canonici tenent salutem Sciatis me concessisse et presenti carta confirmasse ecclesie sancte Marie de Huntend et canonicis ibidem deo seruientibus omnes possessiones suas tam in ecclesiis quam in terris et decimis et nominatim duas hydas in quibus ipsa ecclesia sita est liberas et quietas ab omni seculari exactione et omnes ecclesias suas et terras infra burgum Hunted et extra et feodum unius militis in Giddinga et Lullintona sicut Ingelramus de Auco illud tenuit et canonicis dedit et unam hydam in Weston et unam hydam in Croxton et in Stiuicle uirgatam Gunnilde et ecclesiam eiusdem uille cum suis pertinentiis et ecclesiam de Suthwic cum suis pertinentiis et in Stoke lx solidatas terre cum eisdem libertatibus cum quibus Matildis regina eam eis dedit et carta sua confirmauit et in Dena terram quam Willelmus Meschin eis dedit liberam et quietam ab omni seculari exactione et ecclesiam sancte trinitatis de Scipeton cum omnibus sibi pertinentibus sicut idem Willelmus eam eis dedit et confirmauit et capellam castelli de Huntedon cum pertinentiis suis et scolam eiusdem uille ita ut nullus aliquam infra Huntedon sir absque illorum licencia teneat Quare uolo et firmiter precipio quod prefata ecclesia et canonici regulares hec omnia predicta et que in posterum iuste adipisci poterint bene et in pace iuste et libere et quiete inperpetuum sine alicuius uexatione teneant cum soka et saka et thol et theam et infongenethef et omnibus aliis libertatibus suis Precipio etiam quod quieti sint homines illorum et terre eorum de scire et hundredo et placitis et querelis et occasionibus et omnibus aliis rebus excepto murdro et latrocinio Testibus Willelmo Cantuariensi archiepiscopo Dauid rege Scotie [et pluribus aliis]