Charter Document - 03781654

Henricus rex Angl[orum] archiepiscopis episcopis abbatibus comitibus uicecomitibus et omnibus baronibus et fidelibus suis francis et anglis salutem Sciatis me concessisse et confirmasse ecclesie sancte Marie de Helenstow et sanctimonialibus ibidem deo seruientibus ecclesiam sancti Andree de Hiche cum terris et decimis et uniuersis libertatibus eidem pertinentibus libere et absolute ab omnibus consuetudinibus etiam episcopalibus et archidiaconalibus excepto quod archidiaconi semel in anno cum septem equis ibidem recipientur hospitio et ecclesiam de Westuna Et ex dono Iudithe comitisse uillam de Helenestowe et uillam Wilsamested et in Meldona quinque hidas terre et dimidiam Ex dono Ricardi de Langecota duas hidas in Mulesho cum filia sua Ex dono Radulfi filii eius tres uirgatas cum filia sua in eadem uilla Ex dono Nigelli de Staford decem uirgatas terre et dimidiam cum filia sua in Erendesby Ex dono Nicholai Basset quatuor marcatas terre in Oxineford et duo molendina in Risenduna Ex dono Richardi Basset et Ieue terram Iuonis Fridai in Auintona et unum molendinum in Dentuna Ex dono Matildis comitisse terram Willelmi medici de Burna Quare uolo et firmiter precipio ut hec omnia habeant et teneant bene et in pace libere et quiete et honorifice quieta de omnibus auxiliis et geldis et danegeldo et assisis et murdris et placitis et omnibus occasionibus et querelis et scutagiis et warpeny et omnibus consuetudinibus et omni terreno seruitio et habeant saca et soca toll et team et infangenethefe et omnes libertates quas habent libere ecclesie terre mee que melius et liberius et quietius teneant Teste Dauid rege [et] T Eboracensi archiepiscopo et R[ogero] Sarisburiensi episcopo et Iohanne filio Iohannis et R[oberto] de Brus Apud Wintoniam