Charter Document - 03781595
| Charter Number: | 03781595 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1124 - 1129 |
| Date type: | Assigned |
| Resource Link(s): |
|
Charter:
H[enricus] [dei gratia] rex Angl[orum] et dux Norm[annorum] archiepiscopis episcopis abbatibus comitibus uicecomitibus baronibus iusticiis balliuis ministris et omnibus fidelibus suis salutem Sciatis me ad petitionem dilecti et fidelis mei Nigelli de Albigneio concessisse et presenti carta mea confirmasse abbati et monachis Sancti Ebrulfi duas partes tocius decime de Villaris garbarum uidelicet lini canabi et leguminum et ortorum et fructuum omnium uirgultorum eiusdem uille et omnium de quibus decima iuste dari debet habendas et possidendas de dono et largitone predicti Nigelli meaque concessione et confirmatione in perpetuam liberam et quietam elemosinam ita quod de ea nemini preter deum seruicium aliquod facere tenebuntur Concedo preterea et presenti carta mea confirmo prefatis abbati et monachis subscriptam conuentionem inter eos et sepedictum Nigellum in presencia mea factam super uilla que Culleium dicitur super Olna Concesserunt namque idem abbas et monachi memorato Nigello quicquid habebant in supradicta uilla quam de dono dominorum [de] Grentemesnil in elemosina possidebant tenendum de ipsis abbate et monachis in feodum et hereditatem excepta ecclesia cum duabus omnium decimarum suarum et molendinorum eiusdem uille partibus ita quod per eorum manum et submonitionem seruicium unius militis quod inde michi debetur faciet prefatus Nigellus in meis negociis et exercitibus et pro releuamento terre et regalibus seruiciis et taliis abbatie sancti Ebrulfi a me uel heredibus mei concessis licebit prefatis abbati et monachis in eadem uilla iusticiam suam facere quociens sibi uiderint expedire nec poterit idem Nigellus uel heredes eius milites uel alios homines eiusdem uille ad alias consuetudines trahere quam ad eas quas de iure debebant abbati et monachis sancti Ebrulfi facere quin abbas et monachi si clamorem inde fecerint iusticiam super eum faciant in illa uilla donec congrue emendatur Similiter et pro omnibus forifactis aliis et emendis ipsius Nigelli uersus abbatem et predictos monachos Quare uolo et firmiter precipio ut supradicta omnia ab utraque parte ita pacifice et quiete teneantur sicut unquam aliquis homo melius et honorificentius de me aliquid tenuit Testibus me ipso Ricardo Baiocensi et Iohanne Lexouiensi episopis et Nigello de Albigneio Apud Cadomum