Charter Document - 03781591
| Charter Number: | 03781591 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1114 - 1129 |
| Date type: | Assigned |
| Resource Link(s): |
|
Charter:
In nomine Patris et Filii et Spiritus Sancti amen Ego Henricus rex Anglorum et dux Normannorum diuine caritatis intuitu commonitus religiosarum etiam personarum intercessione rogatus pro mea pariter et uxoris mee necnon filiorum et filiarum mearum sed et patris et matris mee et omnium dei fidelium salute concedo et presentis astipulatione carte confirmo ut ecclesia beati Stephani prothomartiris in castro Baiocensis episcopi quod Plaissitium appellatur sita dono Samsonis sacerdotis ad quem eadem ecclesia iure pertinere dinoscitur cum decimis et omnibus appenditiis suis in canonicorum regularium usum et potestatem pertranseat Ita ut in eadem ecclesia ad seruiendum deo clerici constituti communi uita secundum formam apostolorum deo placere contendant nullusque eis iniurii presentem auctoritatis nostre paginam esse presumat Similiter uolumus et concedimus ut totum prefati sacerdotis feudum quod ab episcopo Baiocensi tenere cognoscitur ad eandem elemosinam sempiterno iure pertineat Nomina uero terrarum siue reddituum uel etiam decimarum que ad eandem ecclesiam siue sacerdotis feudum spectant presentibus litteris annotari precipimus ut neque presentes neque futuri possint ambigere quod inconuulsum presenti mandamus preceptione permanere Ad ecclesiam uero pertinet tota et plena eiusdem sue parrochie decima et foreste similiter et tres burgenses in eadem uilla et mansum sacerdotis antiquum et quatuor acre terre ad ortos canonicorum siue pomarium seu etiam grancias faciendas et terra de Cruce Ameline Preterea mansura Rogeri d'Ode et uiginti acre terre que Baiocensis episcopus in dedicatione ipsius donauit Ad feudum uero sacerdotis pertinet Buisnou et Sancetum Siquis autem hanc libertatis nostre definitionem minuere uel in aliquo temerare presumpserit in presenti principali fisco centum libras argenti persolue et in futuro diuinum iudicium non euadet Vt autem hoc priuilegium sanctionis nostre illibatum permaneat presentem eius epistolam et sancte crucis signo propria manu firmamus et sigillo nostro munimus Signum Henrici regis + Anglorum + Auduini Ebriocensis episcopi Signum Turstini Eboracensis archiepiscopi + Signum Ricardi Baiocensis episcopi + Signum Ricardi Baiocensis archidiaconi + Signum Gaufridi cantoris Baiocensis ecclesie + Signum Willelmi Baiocensis subdiaconi [+] Signum + Ranulfi magistri Signa Willelmi Herberti Iohannis Hugoni[s] canonicis
Source (click image below to view full size)
