Charter Document - 03781582
| Charter Number: | 03781582 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1129 |
| Date type: | Assigned |
| Resource Link(s): |
|
Charter:
In nomine sancte et indiuidue trinitatis Quoniam regum et principum munificentia in possessionibus creuerunt ecclesie que per orbem terrarum longe lateque diffuse sunt in regno nostro de earum multiplicatione gaudemus in quibus augeatur religio et religiosorum numerus multiplicetur quorum precibus regni nostri stabilitas muniatur et regni celestis aditus iusta petentibus misericorditer aperiatur Ea propter ego Henricus dei dispositione rex Anglorum Willelmi magni regis filius pro salute anime mee et uxoris mee et antecessorum meorum quicquid Robertus de Brus dedit ecclesie de Giseburh et fratribus ibidem regulariter deo famulantibus tam in ecclesiis quam in terris possessionibus et aliis redditibus ad honorem dei et sancte ecclesie concedo et regia auctoritate confirmo uidelicet totam Giseb[urh] cum omnibus ad eam pertinentibus in bosco et plano pascuis [et aq]uis per eosdem terminos et metas per quas eam habuit Rob[ertus] de Brus cum esset in manu sua et sicut in cart[a eius contin]etur Insuper et molendina eiusdem uille cum soca et molta et ne quis faciat molendina in parrochia i[lla abs]que licentia et concessu canonicorum Concedo etiam eis et regia auctoritate confirmo totam Lithum cum illa parte de Cotum que ad illum spectat cum ceteris omnibus suis pertinentiis et decimam dominii sui de Lithum et omnes ecclesias de dominiis suis uidelicet ecclesiam de Mersc et ecclesiam de Uplium et ecclesiam de Burnus et ecclesiam de Danebi et ecclesiam de Scheltun et ecclesiam de Staintun et ecclesiam de Leuintun et ecclesiam de Hert et ecclesiam de Strantun cum terris illarum et ceteris omnibus que ad eas pertinent Quare uolo et firmiter precipio ut predicta ecclesia omnes tenuras suas bene et in pace libere et quiete et honorifice teneat et habeat in omnibus rebus suis et locis cum omnibus libertatibus et liberis consuetudinibus sicut aliqua abbatia melius et liberius tenet in toto archiepiscopatu Eboracensi + Signum Henrici regis + Signum Turstini archiepiscopi + Signum Gaufridi filii Pagani + Signum Comitis de Ou + Signum Willelmi de Vernun + Signum W[illelmi] Camerarii de Tancaruilla + Signum Roberti de Nouo burgo + Signum Rogeri de Tooni + Signum Rabel + Signum Willelmi pincerne