Charter Document - 03781482

Ego Henricus dei gratia rex Anglorum et dux Normannorum ad consummationem magis quam ad presentiam rerum respiciens et cum electis agminibus sanctorum portionem habere desiderans pro spe retributionis eterne pro animabus etiam patris et matris mee fratris et antecessorum meorum et pro anima mea et uxoris mee Matildis et prolis nostre concedo deo et sancto Albano et ecclesie sancte Marie de Wymundham et monachis ibidem deo famulantibus in elemosinam sempiternam omnia que Willelmus pincerna meus eidem celle munificentia liberali donauit Ipsam uidelicet ecclesiam de Wymundham et decimas dominii sui et hominum suorum in eadem uilla Et in eadem uilla curiam propriam et duo molendina et duo nemora et uiuarium de Tysford et duo prata et unum pomerium et unum alnetum et unum sokemannum et decem libratas terre et omnes homines quas tenebat sub comite de Warrenna in eodem manerio et in Hahilla quadraginta solidatas terre et in Bukenham terram ad unam uakariam faciendam cum pastura uille et decimam equorum suorum et porcos suos habere sine pasnagio in nemoribus suis et in Redham unum mariscum et in Elingeya duo millenorum anguillarum et ecclesiam de Hapesburg cum omnibus pertinentiis et libertatibus suis et totum manerium de Hapesburg cum omnibus pertinentiis suis excepta terra Ansgoti camerarii et forum in uilla de Hapesburge cum omnibus pertinentiis libertatibus et liberis consuetudinibus ad forum pertinentibus et totum wrec in eadem uilla a diuisa que est inter uillam de Eccles et de Hapesburge iuxta mare in longum uersus occidentem usque ad diuisam inter hundredum de Hapesburge et Tunstede Ecclesiam quoque de Snetesham cum omnibus pertinentiis et libertatibus suis et in eadem uilla unam carucatam terre de laico feodo cum una faldsoca ad eandem carucatam terre pertinente et in Brunham duas carucatas terre et tresdecim homines ad opera et unum molendinum cum omnibus libertatibus et liberis consuetudinibus quibus predictus Willelmus tenuit de me Et in eadem uilla et in Flicham et in Pykeham et in Grimmestun et in Kangham in Risinges duas partes omnimodarum decimarum de dominico predicti pincerne Hec omnia concedo eis et confirmo et uolo et firmiter precipio ut ea habeant et teneant bene et in pace libere et quiete integre et honorifice in bosco in plano in terris et aquis in pratis et pascuis in uiis et semitis in urbe et extra urbem et in omnibus locis in quibus mea regia potestas illis libertatem dare potest cum saca et soca tol et theam infangetheft utfangetheft flemthe framth blodwyt forestal danield wrec murdre cum pecunia que ad murdre pertinet Et uolo et concedo quod illi et homines sui emant et uendant in omnibus urbibus et in omnibus ceteris quibus possum libertatem dare ita libere et quiete quod nullus exigat ab eis uel accipiat tol uel aliquam consuetudinem aliam de aliqua re quam emant uel uendant ad opus proprium Prohibeo etiam super foris facturam nostram ne aliquis ministrorum meorum aliquod modo se intromittat aut aliquam potestatem exercere audeant uel exactionem facere in terris uel hominibus uel libertatibus suis nisi ex consensu et uoluntate eorum Et habeant et consistant proprios ministros suos qui homines et terras et libertates suas custodiant et accipiant omnia ad ea pertinentia ita libere et quiete ad opus suum sicut proprii ministri mei debent ea inquirere et accipere ad opus meum Testibus Rogero episcopo Sarum Alexandro episcopo [Lincolniensis] Galfrido cancellario et Milone de Gloucester Apud London[iam]