Charter Document - 03781390
| Charter Number: | 03781390 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1123 |
| Date type: | Assigned |
| Resource Link(s): |
|
Charter:
Henricus rex Anglie Willelmo archiepiscopo Cantuariensi et Alexandro episcopo Lincoln comitibus baronibus et omnibus fidelibus suis clericis et laicis salutem Sciatis me concessisse et confirmasse omnes donationes quas Ricardus Basset et Matildis Ridel uxor eius fecerunt deo et canonicis ecclesie sancti Iohannis Baptiste de Landa quam fundauerunt pro anima regis Willelmi patris mei scilicet uillam de Lodinton cum ecclesia et omnibus eiusdem uille pertinentiis Frisebi cum ecclesia eiusdem uille et omnibus pertinentiis suis ecclesias de Weledon de Weston de Weleham de Pitesle de Essebi de Warleie de Ketleby de Ondebi de Coleston de Hauersege de Stanton de Thacheham de Patingham de Widerle de Walueshull Preterea concedo et carta mea presenti prefatis canonicis confirmo quicquid eis ab aliis datum fuerit tam in terris quam in ecclesiis et in aliis redditibus quibuslibet sicut carte donatorum testantur Quare uolo et firmiter precipio quod omnia supradicta bene et in pace libere et quiete et honorifice teneant imperpetuum in liberam elemosinam cum omnibus pertinentiis suis absque omni seculari seruicio et consuetudine in bosco in plano in pratis in pasturis in molendinis et stagnis et aquis in uiis et semitis et in omnibus locis et sicut Richardus Basset unquam melius et liberius uel aliquis antecessorum suorum tenuit cum socka et saka et tol et theam et infangenetheof et cum omnibus libertatibus ad liberam et perpetuam elemosinam pertinentibus Testibus Rogero episcopo Salesb Randulpho cancellario Simone comite Gilberto de Aquila Hugone uicecomite Leycestrie Apud Westmonasterium [anno regni nostri XXVI]