Charter Document - 03781290

Henricus rex Anglorum archiepiscopo Rothomagensi episcopis abbatibus comitibus uicecomitibus iusticiis baronibus et omnibus fidelibus suis francis et anglis salutem Sciatis me concessisse et confirmasse in perpetuam elemosinam pro salute me et heredum meorum et pro animabus patris mei Willelmi regis et matris mee M[atildis] regine et omnium antecessorum meorum deo et ecclesie sancte Marie de Prato Rothomagensi et monachis in ea deo seruientibus ex dono Mathildis matris mee Maisnillum et Becdane et molendinum de Careuilla quod uocatur molendinum regine cum omni libertate sua et ecclesiam de Auboruilla et decimam Et ex dono meo manerium in Normannia quod uocatur Bures et omnia ei pertinentia cum omnibus libertatibus suis et prata mea de Valle Fenili et famulum qui custodit ea et in parco meo Rothomagi totam decimam feni et centum solidos de foresta mea de Romare scilicet decimam per annum et tenuram Radulfi Pentecostes in Renelmiuilla et Lambertiuilla et Afomuuchun et in foresta mea de Ronrei quicquid eis necessarium fuerit et nundinas Hermentriuille et libertates earum in omnibus locis et in omnibus rebus et in unoquoque anno quadraginta modios uini de cellario meo Rothomagi scilicet de modiatione mea et sex modios de elemosina patris mei et matris mee de decima sancti Audoeni Rothomagensis et Estiuentonam in Anglia cum omnibus ei pertinentibus et cum omnibus libertatibus suis Has tenuras et omnes alias tenuras suas quecunque sint et de quibuscunque habeant uolo et firmiter precipio ut ita teneant bene et in pace et integre et plenarie et honorifice et libere et quiete ab omnibus rebus et ab omnibus querelis et sine aliqua contradictione et ad mare et ad terram et in pratis et in aquis et in molendinis et in uiis et in semitis et in ciuitatibus et uillis et in domibus et in forestis et in nemoribus et omnibus locis nunc et usque in sempiternum sicut ecclesia in regno meo potest liberius tenere et insuper sicut mea propria Et preter hoc concedo et confirmo eis in perpetuam elemosinam tres mansuras terre et domos desuper quas Aufrida de Ponte Audomari tenet in Rothomagum quietas de omni censu et consuetudine et omni alia re excepta sola modiatione mea de uino Et ut hec omnia et alia omnia que fideles Christi eis contulerint inconcussa et incontradicta remaneant nunc et usque in sempiternum regia hac auctoritate confirmo et sigilli mei impressione et subscriptorum testimonio corroboro Testibus G[aufrido] archiepiscopo Rothomagensi et W[illelmo] episcopo Wintoniensi et R[ogero] episcopo Salesberiensi et R[oberto] comite de Mellent et G[aufrido] de Clinton et N[igello] de Albeni et R Basset et R[annulfo] cancellario et A[lberico] de Ver Apud Wyntoniam anno incarnationis dominice millesimo centesimo uicesimo secundo regni uero mei uicesimo primo