Charter Document - 03781183
| Charter Number: | 03781183 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1120 |
| Date type: | Assigned |
| Resource Link(s): |
SCRIPTA - Base des actes normands médiévaux TELMA - Chartae galliae |
Charter:
Ego Henricus Dei gratia rex Anglorum et dux Normannorum cum archiepiscopis Radulfo Cantuariensi et Gaufrido Rotomagensi et episcopis Ricardo Baiocensi Turgiso Abrincatensi Rogerio Constantiensi Willelmo Exoniensi Ildeberto Cenomanensi cum abbatibus etiam et aliis religiosis viris compluribus qui nobiscum huic diffinitioni presentes interfuerunt consulentes et presentium memorie et futurorum scientie omnibus catholice pacis et unitatis cultoribus nostrarum beneficio litterarum manifestare decrevimus qualiter per Dei misericordiam et nostram instantiam inter Eudonem Cadumensium fratrum abbatem et Vitalem Saviniensis monasterii fundatorem super Moritoniensi elemosina quam eidem fratri Vitali ad honorem Sancte Trinitatis pro amore Dei Willelmus comes contulerant peracta sit et celebrata concordia Oportet igitur primum sciri quoniam idem frater Vitalis antequam Saviniensem domum inciperet elemosinam pretaxatam concedentibus nobis sine concessione episcopi Abrincatensis atque suorum et ejusdem loci fratrum abbati Cadumensi possidendam et edificandam donavit Postmodum autem annis fluentibus in predicto loco qui Savinneium appellatur monasterium inchoavit et ibidem fratres sub sancti Benedicti regula congregavit Quorum profecto cum minus sufficeret necessitatibus obviare habito sepe cum eisdem consilio nostram mansuetudinem expetivit ut in usum ipsi fratrum prenominatam elemosinam nostra liceret auctoritate repetere Cujus sane petitionis cum in aures ecclesie proferretur consilium placuit omnibus et factum est ut Cadumensium monachorum concessione et Eudonis abbatis donatione et nostra advocatione prefatam elemosinam quam pro caritate eis concesserat per eandem utique caritatem liberam et quietam et in perpetuum Savinniensi monasterio possidendam reciperet decedente papa Paschalis secundo succedente vero in eumdem pontificatum secundo Gelasio Quam nimirum determinationem ne quis in posterum audeat permutare presenti pagina prohibemus Quam procul dubio ut decetero rata permaneat et auctoritatis nostre preferat munimentum nostro nobis placuit confirmare simul et roborare sigillo Testes etiam ex utraque parte subscribi precepimus Stephanum Moritoniensem comitem Ricardum comitem Rotbertum filium regis Hamelinum Meduanensem Willelmum de Albineio et Nigellum et Hunfridum de Albin[eio] Willelmum camerarium de Tancarvilla Willelmum Patricium Tomam de Sancto Iohanne Willelmum Piperellum de Airam Gaufridum de Clintona Rotbertum de Haia Putei Hugonem de Guilleio Eduuardum Salesberiensem Rannulfum cancellarium Iohannem Baiocensis episcopi filium Rotbertum Peccatum Gaufridum capellanum Walterum de Culleio Rannulfum de Dusseio Hec diffinitio fuit diffinita et hec carta sigillata ante me apud Argenteium Teste episcopo Luxoviensi Iohanne et Eudone Cadumensium monachorum abbate et monachis Wino de Allemania et Nigello et comite de Pertica Rotroco et Rogero Marmione et Ricardo capellano et Symone de Molins et Hamelino de Lesclusa