Charter Document - 03781174

H[enricus] rex Angl[orum] iustic uicec baronibus et omnibus ministris suis et hominibus francis et anglis de Angl[ia] de Berchesir salutem Sciatis me concessisse et firmiter confirmasse omnes donationes quascumque Gaufr[idus] de Magnauill[a] ecclesie sancte Marie de Herleia pro sua et heredum suorum redemptione et salute libere donauit et carta sua confirmauit uidelicet totam eandem uillam de Herl et circumiacens nemus eidem uille pertinenti sine participatione cuiuscumque hominis in eadem parrochia manentis in terris in ecclesiis in decimis in possessionibus in bosco et plano campis et pratis siluis et pasturis aquis et molendin[is] piscariis et piscationibus pasnagiis porcis et denar[iis] cum tota tercia parte decime totius annone omnium maneriorum totius dominii sui et cum duabus partibus decime totius pecunie omnium maneriorum dominii sui in uiuo et mortuo et cum omnibus aliis rebus sine participatione cuiuscumque hominis de quibuscumque decima deo dari debet excepta solummodo terra Edrici prepositi et vii rusticorum de parua Waltha[m] quam in sua manu ad se hospitandi retinuit Concedo igitur et inperpetuum confirmo ecclesie eidem de Herl ecclesiam meam de Waltha[m] cum una hida terre et dimid[ia] que ad ecclesiam illam de Waltha[m] pertinet et ecclesie de Herl subiacent et totam terram illam Edwardi que dicitur Hwatecu[m]ba et ecclesiam eiusdem uille cum omnibus sibi pertinentiis in bosco et plano et pasturis tanquam eiusdem supranominate ecclesie de Herl dotalicium ita bene et libere et quiete et plenarie in omnibus rebus sicut idem Gaufr[idus] ea ecclesie sue de Herl dedit et concessit et per cartam patris mei et suam confirmauit Concedo etiam et confirmo ut eadem ecclesia de Herl habeat porcariam suam in parco libere et quiete et in omnibus maneriis totius dominii sui quicunque ea tenuerint unum rusticum qui octo acras terre habeat et cum omnibus donationibus suis aliis quas in insula de Heli uel in uilla qua Mosa uocatur ecclesie de Herl contulit siue etiam decimas quas Turoldus dapifer in Wochendona et in Bordesdena et Edricus eius prepositus ibidem pro animabus eorum contuler[unt] et omnia alia quecunque ecclesie prefate ab eodem Gaufr[ido] seu ab alio quocunque uiro ibidem sunt collata et concessa Quare uolo et concedo et firmiter precipio ut ecclesia eadem de Herl omnem habeat libertatem et firmam pacem in bosco et plano in terra et in aqua per totam terram suam et habeat socam et sacam et toll et team in infangheneðof et terra et homines ecclesie eiusdem quocunque loco sint per Angliam sint liberi et quieti de shir[is] et hundr[edis] de placitis et querelis geld[is] et daneg[eldis] scottis et auxiliis omnibus et de omnibus operationibus et occasionibus et exactionibus et assisis excepto solummodo murdro et probato latrocinio Quod si huiusmodi forisfactura super terram ecclesie euenerit precipio quod prior et monachi inde suam plenarie habeant curiam et defendo ne in aliis locis quocumque modo placitent nisi in eadem curia sancte Marie et sua De aliis uero placitis uel forisfacturis que super terram ecclesie et prior[is] con[tigeri]nt si quis de hominibus suis in forisfactura mea iusto iudicio et causa aperta missus fuerit de xx manchis adquietet se ante iudicium per [vi] denar[ios] et post iudicium per xii denar[ios] et semper iudicetur per iudicium curie sancte Marie et prior[is] ecclesie Preterea uolo et firmiter precipio quod dimittatis esse in pace imperpetuum vi hidas ecclesie eiusdem de dominio prior[is] et monachorum de omnibus geldis et danegeldis [et th]eloneo per Angl[iam] q[] r dominicum conredium et ad usum pertinet et passagiis etiam per Angl[iam] et assartis que de dominica terra eorum sint et ex omnibus actionibus [] pertinent et consuetudinibus Defendo etiam et firmiter precipio ne francos suos plegias recenseant alibi annuatim prior et monachi nisi in eadem curia sancte Marie et sua et ut nullus neque uicecomes neque minister [aliquis] super hanc libertatem quam pro animabus patris et matris mee et pro salute et redemptione anime mee eis concedo et confirmo eos amodo placitis aut occasionibus aut homines suos grauet aut laboret aut iniuriam uel contumeliam faciat Quoniam eidem ecclesie omnia pertinentia pro mea et m[atris] mee salute et imperatricis filie mee peticione et pro anime sue redemptione ex omni exactione et consuetudine regia et omnium hominum in[quietudine] soluta et libera finabiliter clam[]a Testibus eadem imperatrice et Rog[ero] episcopo Sar Per Otuelu[m] filium comitis Apud Turrim Lund[onie]