Charter Document - 03781150

Henricus rex Anglorum episcopo Lincolie et uicecomiti et omnibus baronibus et fidelibus suis francis et anglis de Lincolesira salutem Sciatis me concessisse donationem terrarum et omnium rerum illarum quas Radulfus de Limesia dedit ecclesie sancte Marie de Herefort in elemosinam pro animabus patris et matris mee et fratris mei Willelmi regis et reliquorum antecessorum meorum et pro me ipso et pro uxore mea Matilda regina et pro pueris nostris et pro Willelmo filio nostro et uxore sua et filiis suis et pro animabus parentum nostrorum uidelicet terram illam ubi ecclesia predicta de Herefort edificata est et unam hidam terre ibidem et ecclesiam de Piritona cum tota decima sua et decimis hominum suorum in eadem uilla et ii hidas terre et dimidiam hidam ibidem et pasturam bobus de carucis monachorum de Herefort pariter cum bobus dominicarum carucarum predicti Radulfi in Piritona et porcis eorum pastionem pariter cum dominicis porcis Radulfi in quemcumque boscum suum illos pascendos miserit et duas partes decime de dominico suo in Cauenedisc et duas partes decime Radulfi de Hichentona et unam carucatam terre in eadem uilla et decimam suam de Hunerleia et decimas hominorum [suorum] scilicet [] de Uccietun et Ansgoti de Caldecota et Walteri de Biblesurda et de terra sua iuxta Piritonam et decimam Hugonis Sampson de Aprestona et de Torp sicut predictus Radulfus hec omnia dedit et concessit predicte ecclesie de Herefort in elemosinam Et uolo et firmiter precipio ut predicta ecclesia hec omnia bene et in pace et honorifice et quiete in omnibus rebus teneat sicut decet elemosinam Testibus Rogero episcopo Sarisburie et R[oberto] episcopo Lincolie et Gaufrido abbate Wintonie et Ranulfo cancellario et Nigello de Albin Apud Westmonasterium