Charter Document - 03781039
| Charter Number: | 03781039 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1114 |
| Date type: | Internal, A.D., Regnal |
| Resource Link(s): |
|
Charter:
Henricus rex Anglie episcopis [Angl] baronibus uicecomitibus omnibusque fidelibus suis francis et anglis salutem Sciatis me concessisse et confirmasse Ioffrido abbati Croylandie et omnibus successoribus suis et monachis ibidem deo seruientibus omnes possessiones et libertates specificatas in charta domini Edredi quondam regis Anglie de qua charta illustrissimus rex Willelmus pater meus intentionem facit in charta confirmationis sue monasterio eidem inde facta Et ideo precipio quod habeant omnes tenuras et possessiones suas liberas et solutas ab omni seruitio seculari scilicet scotto geldo et omnibus auxiliis uicecomitum et omnium ministrantium eorum hidagio danegeldo schiris hundredis wapuntagiis t[r]ithingis placitis et querelis et ab omnibus operibus castellorum arcium pontium portuum uiarumque sustentatione et omni cariagio et summagio et nauigio et regalium domorum edificatione et ab omni onere secul[ar]i sint immunes Concedo etiam predicto abbati et monachis suis quod ipsi habeant francum plegium in omnibus dominiis suis in custodia sua Et prohibeo ne aliquis de hoc se intromittat nisi ipsi et balliui sui cum socha sacha tol et tem infangthef hamsokne gridbregre blodwithe murdro et tesauro forestall flem et flitte et ordel et aliis libertatibus quas regia potestas aliquibus aliis monasteriis dare consueuit Prohibeo similiter ne aliquis alterius dominii capiat teloneum passagium uel genus aliquod uectigalis exigat infra fines et limites uillarum suarum scilicet Croyland Langtoft Cappelade et Wendlingburgh absque dictorum abbatis et monachorum licentia et uoluntate sub forisfactura x librarum thesauro meo uel heredum meorum quotiens hoc attentare presumserint si conuicti inde fuerint soluendarum Huic mee concessioni ex parte mea testes interfuerunt isti subscripti Robertus episcopus Lincolniensis Herueus episcopus Heliensis primus Warnerus de Lusors Hugo de Essartis et alii plures Apud Oxenford anno dominice incarnationis millesimo centesimo quarto decimo et regni regis quarto decimo Signum regis ipsius