Charter Document - 03780919
| Charter Number: | 03780919 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | Latin |
| Charter Origin: | Royal |
| Charter Type(s): | Foundation |
| Date: | 1109 |
| Date type: | Internal, A.D., Papal |
| Resource Link(s): |
Trinity College Library, Cambridge - Inquisitio Eliensis O.2.41 (p118) |
Charter:
In nomine sancte et indiudue Trinitatis Patris et Filii et Spiritus Sancti anno incarnationis dominice millesimo centesimo nono indictione [] anno uero pontificatus domni Paschal[is] pape secundi decimo regni quoque mei similiter decimo ego Henricus prouidente diuina clementia rex Anglorum et Normannorum dux Willelmi magni regis filius qui Edwardo regi hereditario iure successit in regnum uidens et ecclesie messem in regno meo multam esse et agricolas quidem paucos et ob hoc plurimum laborantes in messe et in ipsa Lincoliensem ecclesiam multa plebe fecundam ex auctoritate et consilio predicti pape Paschalis et assensu simul et prece Roberti Lincoliensis episcopi qui tunc ecclesie predicte presidebat et totius capituli sui cum ipso annuente domino Anselmo beate memorie Cantuariense archiepiscopo et Thoma secundo uenerabili Eboracensium archiepiscopo et uniuersis episcopis abbatibus totius Anglie sed et omnibus ducibus comitibus et principibus regni mei Eliense monasterium in quo quidem usque in tempora mea abbates prefuerant cum Cantebrugensi prouincia quantum uidelicet ad ius Lincoliensis ecclesie pertinebat cum abbatiis duabus Thorneio uidelicet et Cetricht in episcopalem sedem sicut et ceteros episcopatus regni mei liberam et absolutam perenniter statuo et confirmo Et pro subiectione et omnibus episcopalibus consuetudinibus ad supradictam Lincoliensem ecclesiam pertinentibus absoluendis consilio et assensu predicti pape Paschalis de beneficiis eiusdem monasterii uillam nomine Spalduic cum appenditiis suis que in territorio Huntedonie sita est cum omnibus consuetudinibus ad predictam uillam pertinentibus supradicte Lincoliensi ecclesie et Roberto eiusdem sedis episcopo et successoribus suis sicut eam umquam Eliense monasterium liberius et quietius tenuit iure perpetuo tradidi possidendam Primum siquidem Londoniis apud Westmonasterium in sollemnitate pentecostes de negotio isto in presentia mea coram felicis memorie Anselmo archiepiscopo et uniuersis episcopis et abbatibus et proceribus regni mei tractatum est et eorum omnium communis assensus est fauorabiliter consecutus Post mortem uero predicti pontificis Anselmi ex auctoritate domni pape Paschalis sicut iam supradictum est in consilio apud castrum Notingaham habito in die translationis beate Edeldryde uirginis sedis eiusdem feliciter per misericordiam dei et terminatum est et definitum XVI kl Nouemb[ris] fauentibus et subscribentibus iis quorum annotate sunt hic tam signa quam nomina Ego Henricus rex Anglorum subscripsi Ego Mathildis Anglorum regina subscripsi + Ego Mathildis sponsa regis Rom[anorum] + S[ignum] Heruei Eliensis episcopi primi S[ignum] Rogerii episcopi Salesberiensis S[ignum] Ran[nulfi] cancellarii S[ignum] Thome Eboracensis archi+episcopi S[ignum] Ricardi Baiocensis episcopi + S[ignum] Herberti Norwic[ensis] episcopi + + S[ignum] Reinelm[i] Heref[ordensis] episcopi + S[ignum] Radulfi Ro[ffensis episco]pi + S[ignum] Ricardi Lond[oniensis] episcopi + + S[ignum] Roberti Cestrens[is] episcopi + + S[ignum] Willelmi Exoniens[is] episcopi + S[ignum] Rannulfi Dunelmens[is] episcopi + S[ignum] Roberti Linc[oliensis] episcopi + S[ignum] Roberti comitis + Mellenti S[ignum] S[ignum] Willelmi comitis de W+arenn[a] S[ignum] Simonis comitis + S[ignum] Steph[ani de] + Albamara S[ignum] Rogeri comitis Picta+uensis S[ignum] Gisl[eberti] de Aquila + S[ignum] Willelmi de Albin[eio] + S[ignum] Nigelli de Albin[eio] +