Charter Document - 03780918

Ego Henric[us] dei gratia rex Anglor[um] filius magni regis Willelmi qui beate memorie regi Edwardo in regnum successit terras scilicet Burdune et Carlentune et Heaclif quas homines Norhu[m]brenses de comitatu esse dicentes super sanctum Cuthbertu[m] et Rannulfu[m] episcopum calumpniabantur deo et sancto Cuthberto et ecclesie Dunelm[en]si et Rann[ulfo] episcopo et omnibus successoribus suis do quietas et liberas perpetuo habendas sicut sanctus Cuthbert[us] habet suas alias terras que pertinent ad ecclesiam suam melius quietas Preter hec etiam calumpniabantur Norhu[m]brenses franci et angli percursum ad uenandum in siluis sancti Cuthberti inter Teisa[m] et Tina[m] Et pro uno denario licere sibi habere ligna in siluis sancti predicti quantum uno curru uehi potest per annum Calumpniabantur etiam pro i nummo debere habere quam maiorem eligerent arborem in eisdem siluis ad nauem faciendam Similiter etiam calumpniabantur consuetudines in aquis sancti Cuthberti de Tina quas omnes consuetudines et earum calumpnias diratiocinauit aduersus illos Rannulf[us] episcopus in mea et baronum meorum presentia Et ego eas deo et sancto Cuthb[er]to et ecclesie Dunelm[en]si et Rannulfo episcopo et omnibus successoribus suis omnino quietas et liberas in perpetuum concedo Hec donatio facta est anno ab incarnatione domini MCIX in concilio totius Anglie apud Notingaha[m] Testibus Th[oma] archiepiscopo Eborac[ensi] et Ricardo Lundon[iensi] episcopo et Will[elmo] Exoniensi episcopo et Rob[erto] Cestr[ensi] episcopo et Herb[erto] Norwic[ensi] episcopo et Herueio Eliensi episcopo et Gilb[erto] abbate Westm[onasterii] et Rodb[erto] comite de Mell et Will[elmo] de Waran et Gilb[erto] de Aquila et Nig[ello] de Alben et Rodb[erto] de Laceio et Vnfr[edo] de Bohun et Rodb[erto] de Brus et Goffr[ido] Ridel et Alfr[edo] de Lincol