Charter Document - 03780877

Charter Document - 03780877


Charter Number: 03780877
Cartulary Title: Regesta Henrici Primi, 1100-1135 [Westminster]
Charter Language: Latin
Charter Origin: Royal
Charter Type(s): Confirmation
Date: 1108
Date type: Assigned
Resource Link(s):

Charter:

[Henricus] dei gratia rex Anglie et dux Normannie omnibus archiepiscopis episcopis abbatibus comitibus baronibus uicecomitibus iusticiis et omnibus bailliuis suis et ministris salutem Sciatis me ad petitionem Henrici comitis Augi concessisse et hac presenti carta mea confirmauisse in liberam et perpetuam elemosinam deo et sancte Marie Becci et sancto Martino de Nemore et monachis ibidem deo seruientibus et seruituris omnes subscriptas donationes quas predictus comes uel ipsius homines prefate ecclesie sancti Martini de nemore pro suarum salute animarum contulerant Quas etiam donationes propriis nominibus dignum duximus exprimendas Scilicet ex dono predicti H[enrici] comitis Augi manerium in Anglia quod dicitur Hou cum omnibus pertinentiis eius liberum et quietum ad omnimoda consuetudine et exactione Talemque libertatem omnibus hominibus in predicto manerio manentibus quod imperpetuum sint quieti de hundreto et de syris et omnibus aliis querelis et consuetudinibus In Normannia uero apud Vlt[er]iorem Portum unum piscatorem hospitatum et iiii masuras unam hospitatam et tres hospitandas cum omnibus consuetudinibus suis et in burgo Augi totum redditum de parmentaria et totam decimam thelonei de ponte et domum Walonis de Hairencurt cum omnibus redditibus et consuetudinibus ad predictam domum pertinentibus Preterea uero decimam denariorum et bladi et auene et garbagii de tota foresta sua cum decima et reguardis natalis domini et pasche Super hec autem boscum uiuum ad edificandum et ardendum quantum et quotiens necesse fuerit absque liberatione forestariorum Mortuum autem boscum cotidie ad uendendum ad iiii asinos Pasturam quoque et pasnagium omnibus porcis monachorum et uniuersis animalibus suis Mel etiam et apes ubiumque inuenerint in foresta sua Et omnibus monachis Becci et uniuersis dominicis seruientibus eorum licentiam uendendi et emendi siue transeundi per totam terram suam libere et quiete absque omnimoda consuetudine Ex dono autem Hugonis de Hainseuilla hominis eiusdem comitis ecclesiam de Hainseuilla cum patronatu et decima et omnibus aliis pertinentiis suis Totamque terram quam idem Hugo habebat inter duos boscos a cruce et desuper et unum ortum apud Hainseuillam et iii acras prati Ex dono Bartholomei de Loure ii ortos et ii acras terre apud Creuas et apud Gozouillam ii acras prati Ex dono Droardi de Maisnillo decimam de Goismontmara et unum ortum unius acre apud Maisnillum et unam acram terre in campis Ex dono Anscherii Rufi de Hanesiis unam culturam que dicitur Quatreliures prope forestam uersus Gozouillam et duas garbas decime de eadem cultura Ex dono Guidonis de Basinualle campum de uia de Waarcurt et duas garbas decime de tota terra sua Ex dono Willelmi de Creuis campum de quercu et terram que est inter Quatreliures et de foris xxvi pedes in latum et uirgatam terre apud Waarcurt Ex dono Hugonis filii Milonis unum campum iuxta Quatreliures Volo igitur et firmiter precipio quatinus predicti monachi sancti Martini de Nemore omnia predicta tenementa sua habeant et teneant libere et integre et plenarie et pacifice cum omnibus libertatibus et liberis consuetudinibus suis + Signum H[enrici] regis + Signum M[atildis] regine + Signum Ingerranni de Hastingues + Signum Ricardi Boldeucini filii + Signum H[enrici] comitis Augi + Signum Gilleberti Ricardi filii + Signum Ra[n]ulfi cancellarii + Signum Willelmi episcopi Essonie + Signum Willelmi Peuerel + Walteri Ricardi filii + Hunfridi de Buhum + Willelmi consulis de Warenna Hec carta facta fuit apud manerium quod uocatum est Fiseleia

Source (click image below to view full size)