Charter Document - 03780845

Gundulfus Roffensis episcopus omnibus Christi fidelibus salutem Ad perpetuam rei memoriam futurorum vobis omnibus notum facio quod cum non meis meritis sed gratia Dei et vocatione domini Lanfranci archiepiscopi Cantuariensis ad curam episcopatus Roffensis sui vocatus ecclesiam beati Andree apostolorum mitissimi a rege Ethelberto olim fundatam debito cultu divino per quinque clericos male degentes et famulantes in ea destitutam inveni ideo auctoritate voluntate et mandato domini regis Willielmi ipsius ecclesie patroni ac etiam consilio auxilio assensu et ordinatione domini Lanfranci archiepiscopi Cantuariensis eisdem clericis ex voto consentientibus et habitum religionis devote suscipientibus tandem sexaginta monachos congregavi introduxi et institui ad famulandum Deo digne et sancto Andree in ecclesia sua amodo et usque in sempiternum De possessionibus autem et donationibus a regibus et aliis Christi fidelibus datis et concessis quas undique districtas et dispersas repperii de regis benevolentia cum magno labore recollegi congregavi et adquisivi victum eorum a victu meo discrevi Dedi præterea et addidi ad eorum sustentationem et advenientium hospitum et pauperum ac Servantorum quos constitui ad serviendum eis secundum dispositionem monachorum sicut in ecclesia Cantuariensi dominus Lanfrancus archiepiscopus Servantos ordinavit et constituit scilicet ecclesias de Wolewic et de Darenteford et de Suthuna et de Wilmintuna et de Chiselhersta et de Aeilesford et de Retheresfelde at de Fernet et de Sturmutha et altare sancti Nicholai quod est parochiale in ecclesia beate Andree apostoli cum ecclesia sancte Margarete que appendet Sic quoque pro monachorum quiete et pace perpetua terras decimas et possessiones cum suis libertatibus et rectitudinibus separatim ab episcopio assensu regio et confirmatione secernere decrevi Constituo etiam de possessionibus que ad victum ipsorum monachorum ordinavi singulis annis mihi et successoribus meis festivitatem sancti Andree apostoli apud Roffam personaliter celebrantibus exenium deferendum hujusmodi hoc est Wuldeham et Frendesbiri et de Denitune et de Suthflite et de Stoche xvi frecingas xxx ancas ccc gallinas et millenarium de Lampridis et millenarium de ovis et quatuor salmones et sexaginta fasciculos de farra et de Stoches unum hopum avene et de piscibus et de ovis medietas sit eorum Et de Lamhetha similiter dimidium millenarium de Lampridis ad opus eorum De Hadenham vero valentem xx solidos de pisce in cellis eorum deferatur et ibi equaliter partitum medietas eis remaneat et medietas michi deferatur Si vero fortuitu [quod absit] ego vel aliquis successorum meorum ad festum aliqua causa defuerit ex parte Dei et mea præcipio ut totum illud exenium ad curiam beati apostoli deferatur et consilio prioris et fratrum ecclesie ad honorem festivitatis in usus advenientum hospitum et pauperum dispensetur Si quis igitur in episcopali sede post me sessurus vel quicunque alius quocunque colore ecclesias res vel possessiones alias a me datas et concessas vel a quocunque alio christiano auferre vel hanc meam ordinationem extra rectam intentionem meam pervertere in aliqua ipsius pane voluerit ex tunc licitum sit monachis meis exenium non solvere et servantos ab eis omnino repellere et ad libitum suum alios disponere in futurum ad serviendum eis Et ut hæc ordinatio mea regia auctoritate facta et domini Lancfranci Cantuariensis episcopi consilio auxilio et assensu statuta ipsis monachis meis atque post illos in perpetuum victuris firmiter stabilis et stabiliter firma integra et inviolata permaneat vice mitissimi sanctorum Andree apostoli propria manu mea eam consigno et corroboro Quicunque ergo audaci temeritate aut temeraria presumptione illam alterius scienter violaverint apponat ac præponderet dominus illam eorum sacrilegii iniquitatem super omnes alias iniquitates eorum Et nisi ad satisfactionem venerint deleantur de libro viventium et cum justis non scribantur et in die juste et eterne retributionis cum in sinistra parte positis subeant sententiam districte ultionis Amen Amen Amen Istam ordinationem feci pro amore beati Andree apostoli auctoritate regni et sacerdotii apud Roffam vicesimo Septembris die anno gratie millesimo octogesimo nono testimonio istorum Radulfi abbatis de Sagio Radulfi abbatis de Bello Ordovini prioris Willielmi Cantuariensis archidiaconi Aschetilli Roffensis archidiaconi Radulfi clerici Ausfridi clerici Godardi clerici Goldwini presbyteri Aulfridi dapiferi Hamonis vicecomitis Willielmi de Einesford et aliorum multorum