Charter Document - 03780830
| Charter Number: | 03780830 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1107 |
| Date type: | Assigned |
| Resource Link(s): |
|
Charter:
Henricus rex Anglorum H[erberto] episcopo et R[ogero] Bigot et omnibus baronibus et iusticiariis [] et uicecomitibus et bailliuis et fidelibus suis francis et anglis salutem Sciatis me concessisse et carta mea confirmasse quod ecclesia sancte Marie de Binham et monachi sancti Albani ibidem deo seruientes habeant super omnes terras et homines suos ubicumque fuerint in burgo uel extra in foro uel extra in uilla uel extra on stronde et on streme et in omnibus locis omnes quietancias de sectis comitatus et hundredi et de omnibus geldis et operibus et consuetudinibus et auxiliis et theloneis et passagiis et de omnibus demandis regum uel dominorum uel bailliuorum suorum Et firmiter precipio quod predicti monachi habeant super omnes terras suas et homines suos omnes libertates quoas habet ecclesia sancti Albani super terras et homines suos scilicet quod nullus homo se audeat intromittere aliquo modo modo de terris uel de hominibus eorum nisi ipsi et bailliui sui Et uolo quod in uilla de Binham habeant monachi feriam de omnibus rebus uendendis et emendis et omni die mercurii congregationem fori et nundinas in uigilia et iiii diebus assumptionis sancte Marie cum omnibus libertatibus et consuetudinibus fororum et nundinarum quas habeo in dominicis foris et nundinis meis Et prohibeo super foris facturam meam ne aliquis homo francus uel anglus presumat eos uexare uel homines eorum contra libertates quas ei confirmauimus in hac et in aliis cartis nostris Testibus Anselmo archiepiscopo et R[anulfo] cancellario Apud Westmonasterium