Charter Document - 03780779
| Charter Number: | 03780779 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1106 |
| Date type: | Assigned |
| Resource Link(s): |
|
Charter:
H[enricus] rex Angl[orum] W[illelmo] episcopo Exon[iensi] et omnibus baronibus et fidelibus suis francis et anglis de Deuenesira salutem Sciatis quod ego pro salute mea et meorum et anima patris mei regis Willelmi et omnium antecessorum meorum do et concedo et regali auctoritate confirmo ecclesiam de Suthtauton cum omnibus pertinenciis in puram et perpetuam elemosinam ecclesie sancti Nicholai Exon[ie] et monachis ibidem deo seruientibus Et hoc uobis mando et precipio quod ipsi monachi eiusdem ecclesie sancti Nicholai ipsam ecclesiam de Suthtauton in perpetuum libere et quiete semper teneant in sustentacionem sui et absque calumpnia possideant tam plenarie et tam integre et tam honorifice sicut unquam melius et plenarius meum dominium tenui Similiter et donum Roberti Foliot quod eidem ecclesie sancti Nicholai Exon[ie] fecit scilicet ecclesiam de Nortauton concedo et regali auctoritate confirmo ut eam perpetualiter idem [monachi] sancti Nicholai Exon[ie] libere et solute ipsius Roberti Filiot donacione et carte mee confirmacione absque calumpnia et uiolencia cum omnibus eidem pertinentibus possideant Testibus Rogero episcopo Sar Roberto episcopo Linc et W cancellario Gilberto de Aquila Apud Wint[oniam]
Source (click image below to view full size)
