Charter Document - 03780774

Henricus rex Anglorum omnibus iusticiariis uicecomitibus ministris et fidelibus suis totius Anglie salutem Sciatis me concessisse et presenti carta confirmasse deo et sancto Petro et abbati et monachis de Cert[eseia] quod habeant et teneant ista iiii maneria Certesiam Egeham Torp et Cebbeham cum omnibus pertinentiis suis quieta ab omni geldo et danegeldo et murdro et omni comitatu et placito et querela et ne placitent neque alicui respondeant nisi in hundredo suo Et prohibeo ne quis uicecomes ibi placitet nisi per abbatem set sint quieti ab omnibus consuetudinibus que ad me pertinent cum soca et saca et tol et tem et infangenetheof et gridbruch et forestel et hamsocna et flemenefornith in festo et sine festo et cum omnibus aliis consuetudinibus suis infra burgum et extra et in omnibus locis tam in nemoribus que pertinent ad predicta maneria quam in aliis rebus et de omnibus nemoribus suis ubicunque sint habeant potestatem utilitatem ecclesie sue facere sine alicuius contradictione Preterea concedo eis libertatem curie sue in omnibus tenementis suis et habeant canes suos et faciant capere lepores et uulpes et cattos tantum per totam terram suam infra forestam ex extra Et prohibeo et firmiter precipio ne aliquis ministrorum meorum siue forestarius siue alius predictos monachos inde grauet neque inquietet nec molestiam uel iniuriam faciat nec in placito ponat Concedo etiam ut habeant omnes libertates et liberas consuetudines in omnibus tenementis suis et rebus et hominibus ubicunque sint quas rex Eadwardus et rex W[illelmus] pater meus eis concesserunt et cartis suis confirmauerunt sicut carte eorum quas inde habent eis testantur Testibus Rogero episcopo Salesberiensi et Wald[rico] cancellario et Eudone dapifero Apud Westmonasterium