Charter Document - 03780733
| Charter Number: | 03780733 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1100 - 1105 |
| Date type: | Assigned |
| Resource Link(s): |
|
Charter:
Ego Henricus dei gratia rex Anglorum Willelmo episcopo Exoniensi et Iohanni episcopo Bathoniensi et Ricardo filio Baldewini uicecomiti aliisque meis uicecomitibus et ministris et omnibus fidelibus meis in regno meo francis et anglis salutem Sciatis me pro salute animarum patris mei regis Willelmi et matris mee Matillidis regine et Willelmi regis secundi et aliorum antecessorum meorum et pro salute et incolumitate mei ipsius et statu regni mei dedisse et concessisse in liberam puram et perpetuam elemosinam deo et sanctis apostolis eius Petro et Paulo de Monte Acuto et monachis Cluniacensibus ibidem deo seruientibus manerium de Tyntenhalla et ecclesiam et hundredum cum appendiciis suis Et uolo et firmiter precipio quod dicti monachi dictum manerium et hundredum cum appendiciis suis bene et in pace et honorifice habeant et libere teneant imperpetuum tanquam puram elemosinam meam et proprium dominicum meum cum soca et saca tol theam et infangethed et omnibus consuetudinibus et libertatibus suis sicut comes Moritonii unquam melius et honorabilius tenuit Et ut mea donatio et concessio rata et inconcussa permaneat imperpetuum regali auctoritate precipio et hanc conscriptionem inde factam sigilli mei appositione confirmo Teste me ipso Henrico rege et Matilde regina et Roberto comite de Mellant et Ricardo de Rideuers et Roberto filio Hamonis et Willelmo de Tancunuilla et Willelmo Albini et Nigello de Albini