Charter Document - 03780688
| Charter Number: | 03780688 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | Latin |
| Charter Origin: | Royal |
| Charter Type(s): | Precept |
| Date: | 1105 |
| Date type: | Assigned |
| Resource Link(s): |
|
Charter:
Henricus rex Anglorum Hugoni de Bochelanda salutem Mando tibi et precipio ut Eudonem dapiferum meum resaisias de omnibus illis terris que adiacent tribus maneriis suis que ei dedi de terra Willelmi de Magnauilla de Waltham scilicet et Sabricthesworde et Waledena et de omnibus sochis illis que eis pertinent quas Willelmus de Magnauilla dedit uel escambiauit post mortem patris sui cuicunque dedisset uel escambiasset et de terris similiter que ad illa maneria pertinuissent exceptis illis militibus qui cum loricis seruiunt et totum feudum suum integre habent de predictis maneriis Illos uidelicet dico quibus Gosfridus de Magnauilla dedit feudum Et si aliquis miles de illa terra habet partem feudi sui et non totum ita ut seruiat cum lorica illum cum ipsa parte feudi quam de illis maneriis tenet Eudoni dapifero concedo Et redde ei totum suum superplus in restauratione et in omnibus rebus quod posuit in illis terris postquam eas habuit Et michi displicet quod non sic fecisti ut precepi Et uide ne amplius inde clamorem audiam Teste Ricardo de Redueriis Apud Cadomum