Charter Document - 03780678
| Charter Number: | 03780678 |
|---|---|
| Cartulary Title: | Regesta Henrici Primi, 1100-1135 [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1104 |
| Date type: | Assigned |
| Resource Link(s): |
|
Charter:
Henricus rex Anglorum Sampsoni episcopo et Waltero uicecomiti de Gloucestria et omnibus baronibus suis francis et anglis de Gloucestresira salutem Sciatis me dedisse deo et sancto Petro de Gloucestria et Serloni abbati ad uictum monachorum terram de Mayesmore sicuti ego ipse in meo dominio melius habui scilicet cum omnibus rebus illi terre pertinentibus Et sciatis Aelinam uxorem Rogerii de Iureio meo concessu dedisse ecclesie sancti Petri de Gloucestria et monachis terram illam quam habebat in Broctrop Et terram quam Rogerus de Gloucestria dedit ecclesie sancti Petri de Gloucestria pro anima fratris sui Hereberti scilicet duos Radcnithes et unam ecclesiam cum una hyda terre et unum molendinum meo concessu dedisse Et ecclesiam sancti Petri de Herefordia cum omnibus que ad eam pertinent sicut Hugo de Laceio dedit eis Hec omnia firmiter et perpetualiter eidem loco pro anima patris et matris mee et fratris mei Willelmi regis et pro salute anime mee et Matilde regine uxoris mee concedo