Charter Document - 03780510

Ego Heinricus dei gracia rex Anglorum archiepiscopis episcopis abbatibus comitibus baronibus et omnibus fidelibus salutem perpetuam Sciatis me dedisse et concessisse deo et sancto Pancratio et monachis de Lewes pro salute anime mee et omnium parentum et fidelium meorum et pro statu regni mei omnem immunitatem quietanciam et libertatem quam regia potestas alicui monasterio conferre potest Quare uolo et firmiter precipio quod predicti monachi de Lewes omnia tenementa sua tam laica quam ecclesiastica quecumque in presenti habent uel in posterum uendicione seu donacione fidelium habituri sint bene et in pace libere et quiete plenarie et honorifice teneant in omnibus locis et in omnibus rebus ubicumque fuerint quieta de dangeldis et omnibus geldis et auxiliis et schiris et hundredis et lastagiis et hidagiis et tallagiis de summagiis et carriagiis de nauigiis et clausuris de poncium et castrorum edificacione de conductu thesauri et omni operacione Sint eciam prior et monachi de Lewes et omnia sua quieta de theloneis et omnibus exactionibus et consuetudinibus in nundinis et foris quorumcumque sint in terris et aquis in uiis et transitibus poncium et portubus maris per totam Angliam et Normanniam Quod si hac libertate cognita ab eis aliquis aliquid acceperit pro forisfactura decem libras regi persoluat Sint eciam feuda eorum et maneria ex omni exactione et consuetudine quieta et libera sicut nostra propria Habeant eciam prior et monachi predicti de hominibus suis ubicumque intercepti fuerint et de tota possessione sua et de alienis in ea forisfacientibus uel ibi cum forisfactura interceptis curiam suam et placita omnia cum sacca et socha et tol et them et infangenethef in omnibus locis qui sunt uel esse possunt sicut aliqua ecclesia Anglie melius et liberius uel quietius uel integrius habet Hanc libertatem et immunitatem rogatu Willelmi comitis Sugreg et omnium baronum meorum inuiolabiliter et indissolubiliter in perpetuum concessi quam regibus post me in Anglia regnaturis pro deo et salute animarum suarum seruandam commendo Vt autem hec mea concessio et donacio firma et inconcussa perpetuo maneat signo sancte crucis manu propria signaui et manibus fidelium meorum testificandum tradidi et insuper sigilli mei auctoritate confirmaui + Signum Henrici regis + Signum Girardi episcopi + Signum Willelmi comitis Moritonii + Signum Walterii Giffard comitis + Signum Willelmi cancellarii + Signum Hugonis comitis Cestrensis + Signum Henrici comitis de Pulchro monte + Signum Rogeri Bigod + Signum Willelmi de Albini