Charter Document - 03779426
| Charter Number: | 03779426 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1087 - 1099 |
| Date type: | Assigned |
| Resource Link(s): |
|
Charter:
Willelmus dei gratia rex Angl omnibus vicecomitibus collectoribus et omnibus fidelibus suis Francis et Anglis de regno suo salutem Sciatis me concessisse ecclesie sancti Martini de Bello quam pater meus Willelmus rex Anglorum sic appellare voluit ob victoriam sibi in eodem loco a deo concessam omnes libertates et consuetudines quas idem pater meus pro anima sua et uxoris sue matris mee et omnium parentum nostrorum concessit una cum leuga circumjacente cum omnibus maneriis et membris ad eandem ecclesiam pertinentibus Wy Alsistune Liminisfeld Hou Bromham Brichtwolton Craumareys et ut libera sit et quieta ab omni consuetudine terrene servitutis cum saca et soca et thol et theam et warpeni et geldo et scoto et hidagio et omnibus placitis et querelis et sires et hundredis et sartis et omnibus operibus castellorum et pontium et clausuris et exercitu et murdro Et si murdrum inventum fuerit in aliquo loco super terram ecclesie hujus in maneriis vel in membris eorum nullus se intromittat nisi abbas et monachi ejus et hoc super forisfacturam meam precipio Similiter si thesaurus in terris ecclesie hujus repertus fuerit abbatis et monachis sit totus Volo etiam in precipio quatinus ecclesia ista libera sit et quieta ab omni dominatione principum et baronum meorum et super forisfacturam meam precipio quod nullus presumat de murdro neque de thesauro judicium facere nisi abbas et monachi ejus T Osmundo episcopo Salesb et Eudone dapifero Apud Wyntoniam