Charter Document - 03779261
| Charter Number: | 03779261 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1074 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux |
Charter:
In Nomine summe et Individue Trinitatis Patris et Filii et spiritus sancti amen Ego Willelmus dispositione dei rex [Anglo]rum et comes invictus Normannorum Divina gratia preventus atque Deo dignis patrum precedentium animatus exemplis qui sanctas sanctorum Dei ecclesias [propriis] sumptibus aut a fundamentis multimoda devotione construxerunt aut constructas ornamentis diversis aut prediis sive aliis rebus servorum Dei necessitatibus profu[turis pro] suarum redemptione animarum affatim ditarunt hac sibi ratione talique commertio celum comparantes et thesauros suos tut[o] loco repositos [eter]naliter recepturi prudenter ante se premiserunt in loco qui dicitur Fontinella prius a sancto Wandregisilo nobiliter exstructo quondam perversorum bacante gladio ad [solum usque] diruto sed avi mei Ricardi pia dilig[encia restaurato] dominico sermone ammonitus dicente reddite que sunt Cesaris Cesari et que sunt Dei Deo ac fidelium usus consilio dono pro anime mee remedio et p[arentum precedentium] ac u[niverse prolis a Deo mihi] concesse ad supplementum victus servorum Dei ipsi in eo servientium decimas sive possessiones et predia subnotata et ea que ejusdem loci juris fuerant [ante ipsius devastationem que] huc usque nostris cesserunt usibus et dominationi devote et humiliter restauro ut eorum qui idem sanctum cenobium edificaverunt meniis ditarunt facultatibus et pre[diis particeps et] consors in eterna sanctorum gloria merear inveniri Id est villam que dicitur Esketoth juxta Banna et ecclesiam cum omnibus suis pertinentiis et decimam thelonei de Bannis et molituram ejusdem [ville et de Verel]villa cum omnibus illic ad me pertinentibus ecclesiam de Flamenvilla cum decimis ecclesiam de Alovilla cum decimis ejusdem ville [Crescetot] cum [hospit]ibus Item ecclesias sanct[e Marie et sancti Georgii] de Gravenchone cum decimis et duos hospites Et ecclesiam de Maisnillo cum decimis [Bertrim]ont et ecclesiam cum pertinentiis et novem hospites [Gucte]villam et ecclesiam [cum decimis Ecclesias Sancti] Victoris in Campania et de Ansquetiervilla cum decimis et quinque vavassores Mansum [cum] territorio de Budetoth quod in dominio habeo et ecclesiam [cum decimis Terram Anselmi mei militis que vocatur] Grofaith Villam que vulgo dicitur Boscgerart et ecclesias cum decimis Novam villam super Alnam et ecclesiam cum decimis In pago Sa[giensi ecclesias Argentoni cum capellis et decimis] ecclesias de Sarchiaus Mauvoithvillam Corlandi Sethfreville cum decimis earum et terram uni carruce sufficientem In Crispavilla ter[ram Manninc et terram Bruninc cum iiii allo]dariis In Waldrevilla terram Rod[ulfi] et Engerranni cum uno molendino In Cantaluppo quandam particulam saltus Que omnia [auctoritate nominis mei corroboro et] confirmo et trado supradicto loco in perpetuum possidenda ac cum consilio et auctoritate episcoporum meorum subter ascriptorum a[nathematizo omnes hanc nostram concessionis] paginam infringere presumentes Signum Willelmi regis Anglorum et principis No[rmannorum] Signum Roberti regis primogeniti Signum Johannis Rothomagensis archiepiscopi Signum Hugonis Luxoviensis Signum Gisleberti [Ebroicensis] Signum Willelmi Signum Henrici Signum Odonis Baiocensis episcopi Signum Michaelis Abrincatensis Signum Roberti Sagiensis Actum Rothomagi publice mense mai[o] anno ab incarnatione Domini M[LX]XIIII indictione xii qui erat nostri adepti [regni octavus]