Charter Document - 03771182
| Charter Number: | 03771182 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1083 |
| Date type: | Internal, A.D., Feast |
| Resource Link(s): |
TELMA - Traitement électronique des manuscrits et des archives SCRIPTA - Base des actes normands médiévaux |
Charter:
Anno ab incarnatione Domini millesimo octogesimo tercio mense julio die festivitatis sancti Arnulfi episcopi et martyris ad quietavi ego Willelmus Anglorum rex Normannorum et Cenomannorum princeps calumniam quam sanctimoniales cenobii Sancte Trinitatis faciebant in ecclesia et habitatione monachorum Sancti Stephani et in parochia burgi eorundem monachorum dans predictis sanctimonialibus tam pro salute anime mee uxoris filiorum et parentum meorum quam pro ad quietatione jam dicte calumnie partem de burgo meo in confinio territorii Calucii et Cadomi et licentiam augendi ipsum burgum intra divisas quas eis determinate feci premonstrari et in carta earundem sanctimonialium determinari retentis in meo dominio domibus sitis super ripam Olne et tota aqua juxta ipsum burgum tali quidem conditione hoc concedens ut in prefato burgo nullos meos burgenses vel in Cadomo in domibus per mercedem manentes recipiant Hac autem mea donatione [talis] concordia facta est inter monachos et sanctimoniales de predicta calumnia parochie eorundem monachorum ut monachis remanerent omnino quieti parochiani omnes qui in predicto burgo novas domos ex eo die quo monasterium inceptum fuit fecerant et illi qui deinceps facerent in toto vico illo per quem itur Baiocas et per quem itur ad Montem Sancti Michaelis et quinque de antiquis parochianis Willelmus videlicet filius Tedbaldi et Rainaldus filius Golde et Goisfridus pratarius et Mathildis et Burningus necnon et sepeliciones omnium parochianorum sanctimonialium qui in vita sua sepeliri postularent in cimiterio monachorum Remansit etiam monachis quietum illud de cimiterio Sancti Stephani veteris quod est intra jam dictum burgum fossatum meum et ecclesia sancti Nicholai que ab eisdem monachis constructa est ad opus parochie sue Testes Gislebertus episcopus Ebroicensis Michahel episcopus Abrincensis Gislebertus episcopus Luxoviensis Balduinus abbas Sancti Eadmundi Robertus comes de Moritolio Robertus de Belesme Osbernus Gifardus Hubertus de Portu et alii plures