Charter Document - 03770421

Willelmus rex Anglorum Thome archiepiscopo et G[aufrido] uicecomiti et omnibus fidelibus suis salutem Sciatis quod ego dedi in elemosinam perpetuam pro animabus patris [mei] et matris mee et heredum meorum regum Anglorum ecclesie sancti Petri et sancte Hilde de Prestebi et Witebi et Serloni de Perci priori de Witebi et monachis ibidem deo seruientibus omnes leges et consuetudines quas habet ecclesia sancti Iohannis de Beuerlaco et ecclesia sancti Wilfridi de Ripun et ecclesia sancti Petri de Eboraco Concedo etiam eidem ecclesiam portum maris cum alga per totam terram suam cum soca et saca et toll et team et infangenetheof et cum omnibus pertinentiis suis Concedo etiam eidem ecclesie ut habeant in dominium suum omnes terras et possessiones et pasturas suas cum aquis et stagnis et omnia nemora ad ecclesiam de Witebi pertinentia libere et in pace ita ut nullus de ministris mei intromittat se de nemoribus et pasturis eorum nec disturbet eos facere proficuum suum de nemoribus et pasturis eorum Omnes uero donationes Willelmi de Perci fundatoris ipsius monasterii concedo et confirmo et propter amorem dei remitto eis omne geldum de terris quas de dominico meo possident scilicet de duabus carucatis terre in Hachanesse et quatuor in Nortfeld et de duabus in Brinigstun in perpetuam libertatem Dedi etiam eidem ecclesie de Witebi et Serloni priori et monachis ibidem deo seruientibus in elemosinam perpetuam ecclesiam Omnium Sanctorum de Fischergate de Eboraco ad abbatiam constituendam cum soca et saca et toll et team et infangenetheof et cum omnibus pertinentiis suis et cum omnibus libertatibus que mee proprie abbatie habent ut ibi monachi libere et in pace die ac nocte deum deprecentur pro me et pro heredibus meis regibus Anglorum Et si quis hiis ecclesiis aliquid boni fecerit uel dederit concedo et pulchrum mihi erit Teste Osmundo episcopo et Willelmo de Perceio Apud Eboracum