Charter Document - 03770398
| Charter Number: | 03770398 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1087 - 1094 |
| Date type: | Assigned |
| Resource Link(s): |
|
Charter:
Nouerit omnium fidelium posteritas quod ego Willelmus rex Anglorum pro anima mea et anima patris mei Willelmi regis cui ego successi in regno dedi deo et monachis de Caritate ecclesiam sancti Saluatoris de Bermondesia simul et ipsam Bermondesiam cum omnibus appendiciis suis iure perpetuo possidendam ab omnibus rebus et consuetudinibus liberam et quietam Concedo etiam eis et confirmo quicquid aliis dederunt tam in terris quam in decimis siue in aliis quibuslibet rebus uidelicet Cerletonam cum appendiciis suis quam donauit eis Robertus Lincolnie episcopus ecclesiam uero de Hardwike cum terra ipsi ecclesie adiacenti et decima uille prenominate decimamque de Opetona quam Winebaldus de Baalun dedit eis ecclesiam quoque de Omeneia terramque et decimam eiusdem cum aliis decimis de Estentona et Aluinetona quas dedit eis Odo de Tirone miles eiusdem Winebaldi scilicet et decimam de Fyfidre quam eis dedit Rogerus miles Iohannis filii Waleranni concedente eodem Iohanne necnon duas hidas terre de Estanas quas Walterius filius Ansgerii eis dedit similiter terram de Hoddesdona quam Petrus de sancto Olapho dedit eis sicut ipse eam melius tenuit in tempore patris mei quicquid etiam donatum est illis apud Londoniam in ecclesiis aut in decimis aut in domibus aut in terris aut in aliis quibuslibet rebus tam in ciuitate quam extra ciuitatem scilicet in nemoribus in pratis in molendinis in piscariis et in omnibus rebus Volo itaque atque precipio ut monachi Bermondesie omnes possessiones suas et omnes res suas bene et libere et in pace et honorifice teneant Willielmus nutu dei rex Anglorum sigillo confirmauit hec et corroborauit + Signum Willelmi regis + Signum Henrici hec laudantis fratris eiusdem + Signum Walkelini [episcopi Wintoniensis] [+ Signum Mauricii] Lundoniensis episcopi + Signum Osmundi episcopi Salisburiensis + Signum Iohannis de Sumbresetta + Signum Eudonis dapiferi + Signum Rotgeri de Nouant + Signum Rotgeri Bicel + Signum Petri de Valoniis + Signum Ricardi Delamera + Signum Aylwyni ecclesiam sancti Saluatoris una cum rege in manu monachorum de Caritate Ricardi scilicet Osberti atque Vinbaldi qui aderant emancipantis Letaldus scripsit et subscripsit feliciter Amen