Charter Document - 03770377
| Charter Number: | 03770377 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1096 |
| Date type: | Assigned |
| Resource Link(s): |
|
Charter:
Willelmus dei gratia rex Anglorum W[alchelino] episcopo Wintoniensi et Dur[ando] uicecomiti et Henrico de Portu et omnibus fidelibus suis francigenis et anglicis de Hantescire et regni Anglie salutem Sciatis me dedisse et concessisse deo et sancto Petro ueteris monasterii et Walchelino episcopo et monachis inibi seruientibus unam feriam ad ecclesiam sancti Egidii que sita est in monte orientali Wintonie et omnes redditus meos et iustitias meas que ad me pertinent in Wintonia ciuitate per tres dies integros scilicet diem proximum ante festum et diem ipsius festi et diem subsequentem post festum et hoc pro anima patris mei matrisque mee et pro incolumitate corporis mei et salute anime mee ita plenarie et quite cum omnibus consuetudinibus sicut eam haberem si mea propria esset Et uolo et precipio ut omnes ad eam uenientes et ibi morantes et inde redeuntes pacem meam habeant Hoc donum confirmatum est apud Hastingas quando rex predictus perrexit in Normanniam pro concordia Rodberti comitis fratris sui euntis Ierosolymam Testibus hiis baronibus scilicet Rotberto episcopo Lincolniensi et Rotberto filio Haimonis et Ranulfo capellano et Rotberto filio Geroldi et Rogero de Nonant et Vrsone de Abetot