Charter Document - 03770356

Sanctorum patrum monemur exemplo possessiones quas nostris temporibus sancte ecclesie a fidelibus collatas noverimus literarum memorie diligentur assignare tum propter conferentium utilitatem quoniam eorum exemplo posteri ad bene agendum provocentur tum propter malignorum perversitatem qui ad diripiendas possessiones ecclesiasticas toto conamine inhiare noscuntur Nos itaque majorum imitantes industriam posteriorum notitie scribendo transmittere curavimus quoddam pietatis opus quod venerabilis comes Rogerius et devota ejus conjux Adelaisia nomine nostra etate Deo obtulerunt Erat in suburbio civitatis Seropesbery parva satis ecclesia in honore beatorum apostolorum Petri et Pauli constructas cujus situs ad collocanda servorum Dei habitacula congruus videbatur Comes ergo fretus licentia et auctoritate regis Willielmi et Cantuariensis archiepiscopi Lanfranci necnon et Cestrensis episcopi Petri ad cujus dioecesim isdem pertinebat locus monachos illuc pro sua suorumque salute Domino ex oraturos aggregavit anno ab Incarnatione Domini millesimo octogesimo septimo Quibus ad victus subsidia ipse et veneranda ejus uxor possessiones subscriptas imperpetuum donaverunt Imprimis scilicet vicum unum eidem ecclesie contiguum cum tribus molendinis cunctisque redditibus ad eum pertinentibus qui vicus Anglie dicitur Biforieta quod Latine significat ante portam Deinde contulerunt eis quasdam ecclesias cum universis possessionibus ad eas pertinentibus quas hic nominatim expressimus Ecclesiam scilicet sancti Gregorii de Mamerfeld cujus hoc sunt possessiones Estleia Nordleia alias Estleia Crofta Halchtonia Chinsetleia Harpeford Billingsleia Nieutona Tugafort Fertecota Westona Ecclesiam quoque de Stotesdona cujus possessiones iste sunt Dodehnutha Hinetona et Prestecota Ecclesiam etiam de Dodeleberia cujus possessio est Spertford et dimidia hida terre in Corstona Ecclesiam quoque de Edmundon et illam de Toengia et illam de Donintona et illam de Welintona et illam de Werecordina et illam de Ercalow et illam de Hodeneth et illam de Conedouera et illam de Nessa et illam de Bassecherch Cujus possessiones sunt Prestcota Noveleia et Bageleia Cum hiis omnibus dederunt comes et comitissa eidem cenobio tres villas cum omnibus appenditiis earum Eitonam videlicet Eiminstriam et Burtonam Teloneumque de lignis que per orientalem portam in civitatem deferuntur concesserunt monachis Preceperunt etiam ut in festivitate sancti Petri in kalendis Augusti totius provincie populus in eodem loco ad nundinas tribus diebus per singulos annos conveniret et monachi teloneum totumque proficuum inde haberent Postea concessit comes ut barones vel milites sui quicumque vellent de terris et facultatibus suis eidem loco largirentur absque ulla sui vel suorum licentia ita ut de peracta elemosina nullum sibi ulterius servitium facerent vel dantes vel recipientes totam quippe terram monachorum a geldo militum imperpetuum liberam esse statuit et a geldo etiam communi nisi ipse de dominio suo illud daret Hec autem comitis pia munificentia omnibus audientibus valde placuit eosque ad amorem loci illius quam plurimum incitavit Tunc Warinus vicecomes dedit ipsis monachis duas hidas terre in villa que dicitur Tugafort et decimam de Opetona et ecclesiam de Biritona cum decima ejusdem ville Rainaldus frater ipsius Warini dedit eis villam que dicitur Lega Girardus de Tornaco Bettonam Gofrridus dimidiam hidam in Herleia Odo miles Hordleiam Hec omnia venerabilis comes Rogerius cum filiis suis Hugone scilicet Roberto Rogero et Arnulpho concessit atque firmavit Testesque fuerunt Herbertus archidiaconus Godebaldus et Oilerius sacerdotes Warinus vicecomes Robertus filius Teobaldi Rogerius Corbeth Robertus Pincerna et multi alii Locus vero in quo cenobium ipsum constructum erat de hereditate cujusdam militis Siwardi nomine fuit Et quia nolebat piissimus comes quod aliqua imposterum calumpnia monachis inde emergeret mutuo dedit eidem Siwardo villam nomine Longafeld Postmodum vero cum fraternitatem monachorum reciperet concessit quod eadem villa quam a comite acceperat post suum obitum in eorum dominio deveniret Testibus Godebaldo Ricardo de Belmesio et Richarde de Montewaroldi Hec omnia ego Willelmus rex Anglorum concessi et sigillo meo corroboraui