Charter Document - 03770336
| Charter Number: | 03770336 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Royal |
| Charter Type(s): | Charter |
| Date: | 1093 |
| Date type: | Assigned |
| Resource Link(s): |
|
Charter:
Willelmus rex Anglorum episcopis comitibus proceribus ceterisque fidelibus suis francis et anglicis salutem Sciatis me dedisse Anselmo archiepiscopo archiepiscopatum Cantuariensis ecclesie cum omnibus libertatibus et dignitatibus ad archepiscopatum Cantuarie pertinentibus et saca et socne on strande et on strame on woden et on velden tolnes et theamos grithbreche hamsocne forestalles et infangenethieues et flemenefremthe et omnes alias libertates in terra in mari super suos homines infra burgos et extra et super tot theines quot ecclesie Christi concessit rex Edwardus cognatus meus Volo etiam ut monachi ecclesie Christi Cantuarie similiter habeant in omnibus teris et tenementis suis omnes predictas libertates in terra et mari in aquis et uiis et omnibus aliis locis et omnibus rebus que ad eos pertinent in tantum et tam pleniter sicut proprii ministri mei exquirere deberent Portum etiam de Sandwico et omnes exitus et consuetudines ex utraque parte aque eis concedo et confirmo sicut rex Cnud eis antea dedit et codicello suo confirmauit Domos etiam et omnes consuetudines in uilla de Sandwico eis concedo et confirmo quas Odo Baiocensis episcopus et Cantie comes eis concessit et carta sua confirmauit Et nolo pati ut aliquis hominum se intromittat de omnibus rebus que ad eos pertinent nisi ipse et ministri eorum quibus ipsi committere uoluerint nec francus nec anglus Testibus Willelmo episcopo Dunelmensi et Gundulfo episcopo Roffensi et Eudone dapifero