Charter Document - 03770319
| Charter Number: | 03770319 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1091 |
| Date type: | Assigned |
| Resource Link(s): |
|
Charter:
In nomine sancte et individue Trinitatis ego Osmundus Seriberiensis ecclesie episcopus omnibus Christi fidelibus tam posteris notifico quam presentibus ad honorem Domini nostri Jesu Christi sanctissimeque Marie virginis et pro salute animarum Will regis et uxoris sue regine Matildis atque filii sui Will regis Anglorum regni successoris pro salute etiam anime mee ecclesiam Seriberiensem me construxisse et in ea canonicos constituisse atque illis viventibus canonice bona ecclesie ita sicut ipse obtinueram libere et ut exigit regularis censura canonice imperpetuum concessisse Has scilicet villas preter militum terras Elemininister Aultona Cernenenister Begmenister Niderberia Wertelintona ecclesiam de Scireborna cum tota decima ejusdem ville et cum ceteris appendiciis excepta monachorum decima et sepultura Ecclesiam de Bera cum decimis et ceteris ibidem appendiciis Ecclesiam S Georgii in Dorcestre cum decimis et ceteris appendiciis dimidiam ecclesiam de Mera cum medietate decime et ceteris ibidem appendiciis ecclesiam de Seriberia cum decimis et ceteris appendiciis Et duas hidas et dimidium in eadem villa sex hidas et dimidiam in Stradford et ante postam castelli Seriberiensis terram ex utraque parte vie in ortorum domorumque canonicorum necessitate Ecclesiam de Wivelesford cum decimis ceterisque ibidem appendiciis Ecclesias de Poterna et de Laventona cum decimis ceterisque ibidem appendiciis Ecclesias de Ramesberia et de Bedewinda cum decimis ceterisque appendiciis et unum molendinum in eadem villa Ecclesiam de Wanberga cum decimis ceterisque ibidem adjacentibus et unam hidam et dimidium et terram unius bordarii et duodecim acras terre in eadem villa et ortulum unum in eadem villa Ecclesiam de Ferendona cum decimis ceterisque ibidem adjacentibus ecclesiam de Canyngas cum decimis ceterisque ibidem adjacentibus ecclesias de Calne cum decimis ceterisque ibidem adjacentibus ecclesias de Worda cum decimis ceterisque ibidem adjacentibus ecclesias de Merleberga cum decimis ceterisque ibidem adjacentibus ecclesias de Bledberia cum decimis ceterisque ibidem adjacentibus ecclesias de Sunningas cum decimis ceterisque ibidem adjacentibus et decem hidas terre in Rotsecamb Ecclesias de Granham cum ceterisque ibidem adjacentibus Preterea concessi eis medietatem totius oblationis que super principale offertur altare exceptis ornamentis et totam oblationem ceterorum altarium Sepulturam insuper totam cum oblationibus que episcopo missam celebranti offeruntur preter auri medietatem in eadem ecclesia quis autem canonicorum sive ad dedicationem ecclesiarum sive alias cum episcopo ejusdem ecclesie fuerit partem oblationis sicut capellanus habebit Ad hec etiam duas partes prebende canonici defuncti usum concessi ceterorum canonicorum et tertiam partem in usum pauperum per unius anni spacium Scripta est autem hec carta et confirmata anno incarnationis dominice MXCI indictione xiv Willielmo rege monarchiam totius Anglie strenue gubernante anno quarto regni ejus apud Hastingas His subscriptis testibus de illa oblationis principalis altaris quam retinet episcopus in manu sua dabuntur uni canonicorum per annum quatuor libre quousque prebenda sua perficiatur Quisquis vero hec pervertere voluerit perpetuo anathemate []