Charter Document - 03770307

Willelmus dei gracia rex Anglorum et dux Normannorum omnibus suis Christi fidelibus presentes litteras inspecturis salutem Sciatis quod nos ex mero motu nostro et intuitu caritatis fundauimus construximus et imperpetuum ordinauimus in puram et perpetuam elemosinam unam domum et monasterium nigrarum monialium ordinis sancti Benedicti in honore Iesu Christi ac beate Marie Virginis pro animabus progenitorum nostrorum et omnium Christianorum prout situatur iuxta aquam uocatam Croglyn in comitatu Cumbrie Eciam dedimus et concessimus monialibus ibidem duas acras terre super quas predicta domus et monasterium situantur Et eciam dedimus et concessimus eisdem monialibus tres carucatas terre et decem acras prati cum omnimodis communiis boscis et uastis eisdem tribus carucatis terre quouismodo pertinentibus iacentibus iuxta monasterium predictum Eciam dedimus et concessimus eisdem monialibus et successoribus suis imperpetuum ducentas et sexdecim acras terre existentes infra forestam nostram de Inglwode iacentes ex parte boriali cuiusdam aque uocate Tarnwadelyn cum omnibus boscis proficuis et commoditatibus super easdem existentibus siue unquam postmodum crescentibus Eciam concessimus eisdem monialibus communiam pasturam cum omnibus animalibus suis pro se et suis ibidem tenentibus per totam forestam de Ingilwode capiendis ibidem sufficientem meremium pro omnibus suis edificiis quandocunque et quotienscunque necesse fuerit per deliberacionem forestariorum nostrorum siue eorum unus ibidem existencium Et eciam concessimus et confirmauimus eisdem monialibus et successoribus suis quendam annuum redditum xl solidorum annuatim percipiendorum imperpetuum de tenementis nostris in uilla nostra de Karlile soluendorum eisdem monialibus et successoribus suis per manus custodis uille nostre de Karlile predicte ad festa pentecostes et sancti Martini in yeme per equales porciones Et eciam concedimus pro nobis et heredibus nostris quod predicte moniales tenentes et sui seruientes liberi sint de tolneto pacando per totum regnum nostrum Anglie pro aliquibus bestiis siue rebus quibuscunque per eas siue eorum aliquem tenentem seu seruientem imposterum emendo Et eciam concedimus et confirmauimus quod monasterium et domus predicta cum predictis tribus carucatis duabus acris terre cum decem acris prati in omnibus libera sint et habeant omnes libertates suas simili modo sicut conceditur nostro monasterio de Westmynster absque uexacione molestacione siue aliqua inquietacione seu lesione aliquorum uicecomitum escetorum balliuorum siue aliquorum ministrorum seu ligeorum nostrorum quorumcunque Et eciam concedimus eisdem monialibus communam pasture cum animalibus suis infra uillam et communam de Aynstaplyth cum liberis introitu et exitu Necnon concedimus quod predicte moniales libere sint per totam terram suam pro quibuscunque tenentibus et liberam habeant warennam tam pro lectis curiarum nostrarum quam in aquis boscis terris planis seu metis suis eidem monasterio spectantibus seu quouismodo pertinentibus Habenda tenenda et occupanda omnia et singula predicta recitata prefatis monialibus et successoribus suis imperpetuum de nobis et heredibus nostris in puram et perpetuam elemosinam spontanea ita uoluntate et concessione as hert may thynk it or ygh may it se In cuius rei testimonium has literas nostras fieri fecimus patentes Teste me ipso apud Westmonasterium sexto die mensis Ianuarii anno regni nostri secundo