Charter Document - 03770233

Willelmus rex Anglorum episcopis abbatibus comitibus baronibus vicecomitibus ac omnibus fidelibus et ministris suis Francis et Anglis in Middelsexa salutem Sciatis me concessisse Deo et Sancto Petro Westmonasterii et fratribus eiusdem loci ad victuale subsidium manerium quod Stana nominatur cum omnibus territoriis et beruwicis et appendiciis suis et omnibus rebus scilicet cum ecclesiis cum terris cultis et incultis exitibus atque redditibus viis et inuiis siluis segetibus pratis pascuis aquis aquarumue decursibus paludibus piscacionibus piscariis molendinis in plateis et extra plateas et cum saca et socna et toll et team et latrone et emissione et hamsocna et foresteal et pacis fractura et flemenefirmth et miskenninga et cum omnibus legibus et consuetudinibus que ad me pertinent sic solutas et quietas et ab omni cuiuscumque exactionis inquietudine et ab angaria qualiumcumque causarum in urbe et extra in via et extra in festo et extra et sic liberas sicut rex Edwardus dedit predicto Sancto et per cartas priuilegii sui concessit atque confirmauit Et melius et firmius mee confirmacionis dono nunc habeat Precipio etiam ut terre et homines sint liberi ab omni opere castelli et ab omnibus placitis et querelis et consuetudinibus et difficultatibus Et defendo et firmiter prohibeo quod nemo vicecomitum procuratorum exactorum vel ministrorum eis indecens vel molestus aut infestus sit ullo tempore aut ullo modo se intromittere audeat in terra siue in aqua per ullam occasionem nisi abbas et monachi ad omnem utilitatem que inde poterit monasterio omni tempore peruenire Testibus Walchelino Winton episcopo Willelmo Dunelm episcopo Gundulpho Hrofensi episcopo Mauricio cancellario Roberto comite de Mellent Alano comite Hugone comite Cestrie Haimone dapifero Rogerio Bigod Rodberto de Oleyo Yuone Taillebosc et multis aliis Apud Westmonasterium In Natali Domini