Charter Document - 03770220

De peruasionibus quas fecerat Willelmus de Braiosa in rebus Sancte Trinitatis placitatum fuit ala Choche manerium Willelmi Dou Willelmo Rege tenente curiam et placitum una dominica die a mane usque ad vesperam presentibus filiis et omnibus Baronibus suis Ibi definitum et concordatum fuit de silua de Hamoda ut per medium partiretur et boscum scilicet et terra in qua villani manserant et que ad boscum pertinet Et iussu regis hagia facta fuit per medium et nostrum nobis remansit et suum Willelmo De sepultura Sancti Cuthmanni hoc statutum fuit ut quita maneret et iussu regis corpora defunctorum que ad ecclesiam Willelmi sepulta fuerant ab hominibus ipsius Willelmi defossa sunt et ad Ecclesiam Sancti Cuthmanni reportata ad legitimam scilicet sepulturam Et Herbertus decanus retulit denarios quos acceperat de sepulturis de wacis de signis sonatis et de toto quod accipitur pro mortuo Et primo iurare fecit quendam parentem suum vice sua se plus non habuisse Ad Udicam peruaserat Willelmus de terra Sancte Trinitatis ad parcum suum Vnde iudicatum est parcum destrui debere et destructum est terra remansit quita De warenna quam fecerat in terra Sancte Trinitatis hoc iud[i]catum est ut destrueretur et destructa est De teloneo quod accipiebat ad pontem suum de hominibus Sancte Trinitatis iudicatum est quod non deberet dari quippe quod tempore Edwardi regis nunquam datum fuit et iussu regis quicquid inde acceptum fuerat redditum fuit telonario iurante se non amplius accepisse De nauibus que ascendunt ad portum Sancti Cuthmanni hoc iudicatum fuit quitas esse debere per duos denarios ascendendo et descendendo nisi aliud mercatum ad castellum Willelmi fecerint Via quam fecerat in terra Sancte Trinitatis iudicata fuit debere destrui et destructa est De fossato quod factum fuerat ad conductum aque castelli iudicatum est ut repleretur et repletum est et terra mansit quita De marisco hoc decretum est quitum esse debere usque ad montem in circuitu et salinas De decem et octo hortis iudicatum est hoc esse quitos Sancte Trinitati De teloneo quod accipitur per totam septimanam hoc iudicatum fuit ut totum sit sancti Sabbato tantum medietas Willelmi Hec omnia quita et libera Fiscannensi ecclesie remanserunt De quorum omnium peruasionibus Willelmus vadium in manu regis dedit in misericordiam ejus Hii Barones viderunt hunc finem filii Regis Willelmus et Henricus Archiepiscopi Lanfrancus et Thomas Episcopi Willelmus Dunelmensis Walkelinus Wintoniensis Remigius Nicoliensis Gaufridus Constantiensis Robertus Cestrensis Robertus Herefortensis Osmundus Salisberiensis Mauricius Londoniensis Comites Robertus de Moritonio Alanus Ruffus Rogerus de Montegomerico Barones Ricardus filius Gisleberti comitis Baldewinus frater eius Rogerus Bigot Henricus de Feriers Bernardus de Novo Mercato Willelmus Dou Hugo de Port Ricardus Goiz Eudo dapifer Robertus dispensator Robertus filius Tetbaldi Willelmus de Percei Robertus de Roolent Nigellus de Torp Rogerius de Corcella Alueredus de Nicolia Willelmus de Falesia Henricus de Bellomonte Abbates Serlo abbas Gloecestrie Turstinus Glestonie Monachi Sancte Trinitatis Willelmus et Raherius fratres Bernardus filius Ospaci Laici Willelmus malcunduit Godefridus frater ejus Sotriz Leviet Ricardus de Bodes Geroldin