Charter Document - 03770208
| Charter Number: | 03770208 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1085 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
In nomine sancte et individue Trinitatis Patris et Filii et Spiritus Sancti Amen Ego Robertus Dei gratia Moritonii comes igne divini amoris succensus notifico omnibus sancte ecclesie matris nostre filiis habens in bello sancti Michaelis vexillum quoniam pro anime mee salute atque mee coniugis seu pro salute prosperitate incolumitate Guillelmi gloriosissimi regis atque pro adipiscendo vite eterne premio do et concedo Montem sancti Michaelis de Cornubia Deo et monachis ecclesie sancti Michaelis de Periculo Maris servientibus cum dimidia terre hida ita solutam et quietam ac liberam ut ego tenebam ab omnibus consuetudinibus querelis et placitis Et constituo etiam ut ipsi monachi concedente domino meo rege ibidem mercatum die quinte ferie habeant Postea autem ut certissime comperi beati Michaelis meritis monachorumque mereri suffragiis michi a Deo ex propria coniuge mea filio concesso auxi donum ipsi beato milicie celestis principi dedi et dono in Manaech tres acras terre Trevelaboth videlicet Lismanaoch Trequaners Carmailoc cum omnibus pertinentiis et duabas garbis vicinis annuente piissimo domino meo Willelmo rege cum Matilde regina atque nobilibus illorum filiis Roberto comite Willelmo Rufo Henrico adhuc puero ita quietam ac liberam de omnibus placitis querelis atque forisfactis ut de nulla re regie iustitie monachi respondebunt nisi de solo homicidio Hanc autem donationem feci ego Robertus comes Moretonii quam concesserunt rex Anglorum Willelmus atque regina et filii eorum sub testimonio eorum + S[ignum] Willelmi regis + S[ignum] regine Mathildis + Roberti comitis + Willelmi Rufi filii regis + Henrici pueri + Roberti comitis Moritonii + Mathildis comitisse + Willelmi filii eorum + S[ignum] Willelmi filii Osberni + S[ignum] Rogeri de Monte Gomeri + Tosteni vicecomitis + Gaurini + Turulfi Firmata atque roborata est hec carta