Charter Document - 03770207

Anno ab incarnatione Domini millesimo LXXXV determinata est controversia que erat inter Gulbertum de Alfait et ecclesiam sancte Trinitatis Fiscanni presente et precipiente Willelmo Anglorum rege et Normannorum principe hoc modo Dimisit igitur Gulbertus de Alfait o[mnes] calumnias quas faciebat in abbatia et silva sancte Trinitatis que appellatur Inter Duas Aquas et calumnias quas faciebat super quandam vacuam terram eiusdem silve Et dedit idem Gulbertus abbatie sancte Trinitatis ec[clesiam] Omnium Sanctorum cum decimis suis hac determinatione ut sacerdoti sola cantatura remaner[et et ecclesiam] abbatia sancte Trinitatis teneret et cetera eiusdem ecclesie in dominium Fiscannensis abbatie ex integro transirent In Gansivilla etiam ubi primum habebat Fiscannensis abbatia ecclesiam et totius ville decimam dedit idem duos acres terre et decimas molendinorum suorum et omnium rerum aliarum in caseis et in pecudibus s[ue] possessioni pertinentium Propter istas igitur donationes et omnium omnino calumniarum prescriptiones donavit Fiscannensis abbas Willelmus Gulberto de Alfait decem libras et pasturam suis et suorum hominum pecoribus et concessit ut quando ipse aut uxor illius venirent ad Gansivillam ligna ad suum ignem necessaria haberent ita quidem ut prius inde requireret abbatem [v]el priorem si abbas deesset et tunc ex concessu abbatis vel prioris presente et tradente forestario abbatie mensurate ligna accipit ubi silva sancte Trinitatis non n[i]mis peioraretur Donavit autem abbas Fiscanni ista dona Gulberto ita ut de Fiscannensi ecclesia in feodo teneret et inde eidem ecclesie serviret in placitis suis Fiscanni vel Rothomagi quotie[ns] ipse a Fiscannensis abbatie abbate vel fratribus inde summonitus esset Ex parte regis fuerunt iudices et testes abbas sancti Ebrulfi abbas sancti Petri Dive Rogerius pincerna Hugo de Portu Widdo Oillei Ricardus de Corcei Gaufridus Martellus Ex parte sancte Trinitatis Landbertus sancti Sedani Willermus Dens Durus Willelmus Maleconductus Rodbertus Maleth Juelinus de Amundivilla Rodbertus Bort Ville Berardus Salvalonis filius Audoenus camerarius Hugo filius eius Gaufridus de Sedania Willelmus filius Theodorici Ex parte Gulberti Bernardus de Novo Mercato Willelmus Runce Tetfredus de Alfait Rodbertus de Cropiz Walterius de Novo Mercato Wigerius filius Ursionis Radulfus filius Odonis Ricuardus de Torcei et Eusthachius frater eius Bernardus de Belnai Willelmus de Tornebu Baldricus filius Nicholai Ernulfus de Villaines Radulfus filius Anseredi Rannulfus vicecomes Rotbertus filius Ascelini