Charter Document - 03770206
| Charter Number: | 03770206 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1085 |
| Date type: | Internal, A.D. |
| Resource Link(s): |
Archives départementales de Seine-Maritime - 7 H 12/2 TELMA - Traitement électronique des manuscrits et des archives SCRIPTA - Base des actes normands médiévaux |
Charter:
Anno ab incarnatione Domini millesimo octogesimo quinto ego Willelmus Dei gratia patronus Normannorum et rex Anglorum timore Dei tactus et amore concedo illud donum ecclesie Fiscannensi Sancte Trinitatis quod eidem ecclesie fecit rex Edwardus de Estaninges et quicquid ad ejusdem manerii terram pertinet libenter ex mea parte dono pro salute anime regis Edwardi ac mee anime et Mathildis conjugis mee necnon et filiorum meorum animarum cum legibus et consuetudinibus et socha et sacha et si Fiscannensis ecclesia predictum manerium tempore regis Edwardi non habuit manerium tamen et quicquid predicta ecclesia tempore meo in Estanninges habuit eidem ecclesie dono Preterea manerium de Beriministre unde Willelmo abbati Fiscannensi et monachis suis placitum et rectitudinem obtuli et in ipsis remansit Et ideo mihi illud manerium omnino quietum remansit predicte ecclesie dono et concedo pro clamore quem erga me faciebant de rebus illis quas tempore regis Edwardi in Hastinges habuerunt eo videlicet tenore ut si istud manerium plus valet quam redditus ipsarum rerum de Hastingis quas amiserant ego tamen totum illud manerium et quicquid ad ipsum pertinet predicte ecclesie concedo cum legibus et consuetudinibus et socha et sacha Si vero tantum non valet escangium eque valens eidem ecclesie persolvam Et quoniam hanc concessionem futuris temporibus volo esse inviolabilem et ratam ego rex Willelmus signo sancte crucis et sigillo meo cum regali auctoritate confirmo et manibus procerum meorum corroborandam trado Signum Willelmi regis Anglorum S Willelmi comitis filii ejus S Lanfranci archiepiscopi S Roberti comitis de Mellent S Alani comitis S Hugonis de Monteforth S Balduini de Essecestre S Hugonis de Grentemesnil