Charter Document - 03770205

Charter Document - 03770205


Charter Number: 03770205
Cartulary Title: Regesta Willelmi Conquestoris et Willelmi Rufi, 1066-1100 [Westminster]
Charter Language: Latin
Charter Origin: Royal
Charter Type(s): Decree
Date: 1083 - 1084
Date type: Internal, Regnal
Resource Link(s): Durham Cathedral Archive - Cartulary I (f45r)
Durham Cathedral Archive - Cartularium Vetus (f40v)

Charter:

In nomine Patris et Filii et Spiritus Sancti Amen Ego Willelmus Dei gracia Rex Anglorum hereditario jure factus ex precepto Domini Gregorii Pape vii et ex peticione et concessione Domini Willelmi Dun Episcopi consulentibus et in mea presentia assidentibus et assentientibus Lanfranco et Thoma Archiepiscopis concedo et constituo ut canonici seculares de ecclesia Beati Cuthberti ammoveantur et monachi in ipsam introducantur qui ibi Deo et presentie sacri corporis Beati Cuthberti honorifice in perpetuum deserviant quos de duobus Episcopatus sui locis Weremutha scilicet et Gyrue Episcopus ipse accipiat et omnes possessiones quas modo canonici in terris vel ecclesiis habere dinoscuntur monachis adiciat cum omnibus prediis ecclesiis et reditibus quos prius habuerant Volo eciam et precipio ut omnes Priores Dun Ecclesie qui futuri sunt omnes libertates consuetudines et dignitates et honores Abbatis optineant et sedem Abbatis in choro sinistro habeant et omnes fratres officiales ipsi libere statuant et removeant et jure Decani primum locum et vocem post Episcopum et in Episcopi sui electione cum capitulo suo teneant Et quascumque dignitates seu honores Decani Eboracenses sub Archiepiscopis Eboracensibus et super Archidiaconos illius ecclesie possederint Priores Dun sub Episcopo et super Archidiaconos ipsius ecclesie libere et quiete in perpetuum habeant Concedo eciam eis et confirmo quicquid Episcopus Willelmus de Episcopatu suo illis dedit videlicet quod habeant omnes terras et ecclesias in libera dispositione sua ita ut nullus se de ipsis intromittat nisi per consensum et licenciam eorum Et omnes ecclesias suas in manu sua omni tempore habeant ut de eis quantum poterint redditus suos semper accrescant Et insuper omnes alias dignitates et libertates quas Episcopus Willelmus eis concessit Et suscipio eos et omnes possessiones et res eorum in protectione mea et custodia Priores libera fratrum voluntate eligantur qui cunctis diebus suis sua dignitate libere et quiete perfruantur Hec et omnia alia que in presenti possident vel in posterum adquirere juste poterint sive de pecunia Sancti Cuthberti emerint ad honorem et ob amorem predicti Sancti in ecclesiis terris et aquis villis planis et pascuis molendinis cum Sac et Socne Tol et Team et Infangenthef et ut curiam suam plenariam et Wrecch in terra sua libere et quiete in perpetuum habeant concedo et confirmo Precipio eciam ut liberi et quieti in perpetuum cum hominibus suis penitus sint ab omnibus suis exitibus exactionibus reditibus theloneis et omnibus consuetudinibus ceteris regiis que ad coronam meam in regno meo pertinent Omnes prescriptas libertates et dignitates Deo et Sancto Cuthberto pro salute anime mee et filiorum meorum et precepto et auctoritate Pape predicti inviolabiliter in perpetuum conservari precipio Et ut hec confirmatio mea in eternum firma permaneat presentem cartam propria manu signo Sancte Crucis impressi et confirmavi Hec carta confirmata est apud Westmonasterium in concilio meo anno regni mei xviij presentibus omnibus Episcopis et Baronibus meis Signum Willelmi + Regis + Signum Odonis Baiocensis Episcopi Signum + Osmundi Episcopi Signum Gosfridi Episcopi Constansiensis + + Signum Walkelini Wintoniensis Signum Herfasti + Episcopi Signum Turstini + Abbatis Glastonie Signum + Scolandi Abbatis + Signum Vitalis Abbatis Westmon Signum Roberti Comitis de Moretonia Signum Ricardi + de Curceio + Signum Vrsonis de Abetot Cum aliis multis Signum Mauricii + capellani Signum + Siwardi Barn Signum Rodberti + de Monteforti Signum Alani + de Lincollia Signum + Turald de Papeleon Signum + Willelmi capellani Signum Rodberti + Comitis de Moreton Signum Rogeri Bigod + Signum + Rodberti dispensatoris Signum Rodberti capellani Signum + Rogeri de Scrubbesbyri Comitis Signum + Hamonis dapiferi