Charter Document - 03770204
| Charter Number: | 03770204 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1082 - 1083 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Regnante beate memorie primo ex Normannis Anglorum rege Willelmo Mathildis comitissa Moritonii Rotberti comitis prefati regis germani uxor defuncta est Qua de re Willelmus rex eiusque frater Rotbertus predicte Mathildis maritus tristes effecti fuerat enim eis omnibusque qui eam noverant valde cara cuncta que ipsa vivens possideret tam in villis quam in auro et argento seu quibuslibet ornamentis pro anima eius distribuerunt aut per monasteria aut egenis Unde contigit ut ecclesie sancte Marie Morithonii quam Maioris Monasterii monachi foris castrum inibi possident rex et eius frater unum manerium x hiddarum in Dorsete scira pro anima eius dederint videlicet Pidele cognomento Hinctune procurante hoc domno Roberto monacho qui tunc temporis Moritonii erat et obsequio ac funeri defunctas comitisse sedule interfuerat Tenuerat enim prefata Mathildis illud manerium a rege dum viverat in fevo et idcirco noluit rex ut monachi ipsam terram ab alio recognoscerent nisi ab ipso Annuit predictus rex terram illam monachis Maioris Monasterii liberam et quietam cum soco et saca excepto guelt quod colligitur per hiddas Et hoc non solvent nisi quatuor hide relique sex sunt in dominio et quiete Huius donationis sunt testes Rogerius comes Robertus filius Hamonis Robertus de Belismo Hugo de Monte Gomerico Rogerius Pictavensis Rotbertus Osberni filius Gaufredus Rivallonii filius Aluredus pincerna Hugo de Diva Guido de Landevi Vitalis pincerna Richardus de Lestra Aigulfus vicecomes de Dorseta