Charter Document - 03770197
| Charter Number: | 03770197 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1083 - 1084 |
| Date type: | Internal, Regnal |
| Resource Link(s): |
|
Charter:
In nomine Patris et Filii et Spiritus Sancti Amen Ego Gwillielmus Dei gracia Rex Anglorum hereditario jure factus presentibus Archiepiscopis et omnibus Episcopis et Justiciariis meis ex precepto domini Pape Gregorii vii et Gwillielmi Dunelmensis Episcopi Aldunum Priorem et successores ejus et omnes monachos in ecclesia Sancti Cuthberti in posterum servituros cum omnibus quecunque idem Gwillielmus seu successores ejus vel quilibet alii fideles eis a modo dederint in mea dominica manu proteccione et et heredum meorum in perpetuum suscepi concessi eis inperpetuum et presenti carta confirmavi omnes dignitates honores et libertates quascunque idem Gwillielmus in concilio meo illis concessit videlicet ut de sua semper congregacione liberam Prioris electionem habeant et qui eorum electione Prior fuerit ipsum et eos et omnes ecclesias terras et possessiones eorum in mea defensione suscepi et secundum antiquam Lindisfarnensis Ecclesie dignitatem Priori dexteram Episcopi sui et primum locum et honorem in omnibus post Episcopum et in ecclesia Dunelmensi sedem Abbatis in choro sinistro et omnia officia et jura Abbatis super monachos et illorum possessiones nomine Prioris concessi ac super ecclesias eorum et clericos ecclesiis deservientes quas per Episcopatum Dunelmensem cujuscunque largicione adipisci potuerint Archidiaconatus officium eis confirmavi quatinus liberam disposicionem omnium rerum suarum sine alicujus exaccione vel gravamine in eternum possideant Preterea do et concedo Priori et monachis Sancti Cuthberti ubicunque aliqua tenementa in regno meo habuerint ut habeant curiam suam cum omnibus rebus que ad curiam pertinent cum sacha et sochna et tol et team et infangenthef et wrech et liberi sint ubique de forestagio pasnagio tolneio passagio hundr tridenes et wapentacoes et omnibus ceteris consuetudinibus que ad me pertinent Prohibeoque ne omnino placitant aut alicui respondeant de re aut tenura de qua vestiti vel saisiti fuerint super forisfacto meo Hec carta confirmata est anno xviii regni mei quam et ego ipse Rex Anglie Gwillielmus propria manu mea signo sacrosancte crucis impressi et confirmavi coram Archiepiscopis Episcopis Abbatibus Justiciariis Comitibus et omnibus Baronibus meis in Concilio meo apud Westmonasterium sicut prefatus Papa Gregorius vii per Episcopum Dunelmensem Gwillielmum mihi in remissionem peccatorum meorum injunxit Signum Gwillielmi Regis Signum Lanfranci archiepiscopi Signum Thome archiepiscopi Signam Gwillielmi Dunelmensis Episcopi Signum Odonis episcopi Signum Hereberti episcopi Signum Elsi abbatis Signum Scolandi abbatis Signum Turketin abbatis Signum Turoldi abbatis Signum Gisebriet de Gant Signum Hugonis comitis Signum Ursonis Signum Willielmi capellani