Charter Document - 03770195

In nomine Patris et Filii et Spiritus Sancti Amen Ego Willielmus Dei gracia Rex Anglorum hereditario jure factus ex precepto domini Gregorii Pape vii et ex peticione et concessione domini Willielmi Dunelmensis Episcopi consulentibus et in mea presencia assidentibus et assencientibus Lanfranco et Thoma Archiepiscopis concedo et constituo ut canonici seculares de ecclesia beati Cuthberti amoveantur et monachi in ipsam introducantur qui ibi Deo et presencie sacri corporis beati Cuthberti honorifice imperpetuum deserviant quos de duobus episcopatus sui locis Weremutha scilicet et Gyrue episcopus ipse accipiat et omnes possessiones quas modo canonici in terris vel ecclesiis habere dinoscuntur monachis adjiciat cum omnibus prediis ecclesiis et redditibus quos prius habuerant Volo eciam et precipio ut omnes Priores Dunelmensis ecclesie qui futuri sunt omnes libertates consuetudines et dignitates et honores Abbatis optineant et sedem Abbatis in choro sinistro habeant et omnes fratres officiales ipsi libere statuant et removeant et jure Decani primum locum et vocem post Episcopum et in Episcopi sui electione cum capitulo suo teneant Et quascumque dignitates seu honores Decani Eboracenses sub Archiepiscopis Eboracensibus et super Archidiaconos illius ecclesie possederint Priores Dunelmenses sub Episcopo et super Archidiaconos ipsius ecclesie libere et quiete imperpetuum habeant Concedo eciam eis et confirmo quicquid Episcopus Willielmus de episcopatu suo illis dedit videlicet quod habeant omnes terras et ecclesias in libera disposicione sua ita ut nullus se de ipsis intromittat nisi per consensum et licenciam eorum Et omnes ecclesias suas in manu sua omni tempore habeant ut de eis quantum poterint redditus suos semper accrescant et insuper omnes alias dignitates et libertates quas Episcopus Willielmus eis concessit Et suscipio eos et omnes possessiones et res eorum in proteccione mea et custodia Priores libera fratrum voluntate eligantur qui cunctis diebus suis sua dignitate libere et quiete perfruantur Hec et omnia alia que in presenti possident vel in posterum adquirere juste poterint sive de pecunia sancti Cuthberti emerint ad honorem et ob amorem predicti Sancti in ecclesiis terris et aquis villis planis et pasturis molendinis cum sac et soc tol et tem et infangethef et ut curiam suam plenariam et wrecch in terra sua libere et quiete imperpetuum habeant concedo et confirmo Precipio eciam ut liberi et quieti in perpetuum cum hominibus suis penitus sint ab omnibus exitibus exaccionibus redditibus theloniis et omnibus consuetudinibus ceteris regiis que ad coronam meam in regno meo pertinent Omnes prescriptas libertates et dignitates Deo et Sancto Cuthberto pro salute anime mee et filiorum meorum ex precepto et auctoritate Pape predicti inviolabiliter imperpetuum conservari precipio Et ut hec confirmacio mea in eternum firma permaneat presentem cartam propria manu signo sancte crucis impressi et confirmavi Hec carta confirmata est apud Westmonasterium in Concilio meo anno regni mei xviij presentibus omnibus Episcopis et Baronibus meis Signum Willielmi Regis Signum Odonis Baiocensis episcopi Signum Osmundi episcopi Signum Walkelini Wintoniensis Signum Tur[] abbatis Glastonie Signum Scollandi abbatis Signum Vitalis abbatis Westmonasterii Signum Rodberti comitis de Moretonia Signum Ricardi de Curceio Signum Ursonis de Abetot Signum Rodberti de Monte Forti Signum Mauricii capellani Signum Herfasti episcopi Signum Gosfridi episcopi Constanciensis Signum Siwardi barn Signum Alani de Lincollia Signum Turald de Papeleon Signum Willielmi capellani Signum Rodberti capellani Signum Rogeri Bigod Signum Rogeri de Somb Signum Rodberti dispensatoris Signum Hamonis Thesbyri com dapiferi