Charter Document - 03770182
Charter Number: | 03770182 |
---|---|
Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
Charter Language: | Latin |
Charter Origin: | Royal |
Charter Type(s): | Decree |
Date: | 1083 |
Date type: | Internal, A.D., Feast |
Resource Link(s): |
Archives du Calvados - H/1830/1 (p3) Archives du Calvados - IJ/41 (p27) SCRIPTA - Base des actes normands médiévaux |
Charter:
Quisquis Deo seu pro Deo aliquid tribuit ab ipso omnium bonorum largitore mercedem accipiet Qua spe ductus ego Willelmus Anglorum rex Normannorum et Cenomannorum princeps trado ecclesie sancte Trinitatis de Cadomo pro salute anime mee uxoris filiorum et parentum meorum et pro ad quietatone calumnie quam [sancti]moniales predicte ecclesie sancte Trinitatis faciebant in ecclesia et habitatione monachorum Sancti Stephani et in parochia burgi eorundem monachorum partem de burgo meo omnino quiete sicut in dominio meo habebam in confinio territorii Calucii et Cadomi extra murum Do etiam licentiam augendi ipsum burgum intra divisas quas jam dictis sanctimonialibus demonstrando determinavi A via scilicet ante domum Godefridi juvenis statuta divisione assumpta per maceriam horti Fulcoldi incursum xliiii perticas adusque lapidem qui ibi in divisione positus est et ex illo lapide in transverso versus ecclesiam sicut recta divisio per desuper granciam transfertur Sed et item a domo prefati Godefridi divisione accepta per domum Saxonis deorsum versus aquam domos et hortos ad eas pertinentes ecclesie prenominate do modo quo supradictum est Retineo autem tres ultimas domos super aquam sitas in dominio meo rivagium quoque totum et totam aquam juxta ipsum burgum et ut in ipso burgo nullus meus recipiatur burgensis vel in Cadomo in domo per mercedem manens absque mea licentia Hac quippe mea donatione talem concordiam facio inter monachos et sanctimoniales de predicta [calumnia communi] amborum consensu et consilio capitulorum suorum ut monachis remaneat ecclesia sancti Nicholai parochiana cum cimiterio suo omnino quieta et omnes parochiani quieti qui in predicto burgo monachorum novas domos non de veteribus renovatas sed nunquam ante factas fecerunt et quicunque in futurum facient domos in illis terre mansuris que nunquam ante fuerunt hospitate et qui in vico illo facient per quem itur Baiocas et ad Montem Sancti Michaelis et quinque de antiquis parochianis Willelmus videlicet filius Tedbaldi et Rainoldus filius Golde Goisfridus pretarios et [Matildis] et Borningus necnon et sepelitionis omnium parochianorum sanctimonialium in burgo jam dictorum monachorum manentium cum pecunia sua quam dare voluerint ita tamen si in vita sua in cimiterio monachorum sepeliri petierint Remansit etiam eisdem monachis quietum illud de cimiterio Sancti Stephani veteris quod est intra burgum suum ultra fossatum meum Sanctimonialibus quoque remanserunt omnino quiete due ecclesie sue sancti Stephani cognomento veteris et sancti Martini cum cimiteriis et decimis suis juris et parochiani sexaginta septem videlicet qui in jam dicto burgo monachorum manentes ad ipsas ecclesias antiquitus venire solebant et quicunque in futurum eorundem parochianorum mansuras possidebunt Testes Gislebertus episcopus Ebroicensis Michael episcopus Abrincensis Gislebertus episcopus Luxoviensis Balduinus abbas sancti Edmundi Odo Capellanus et Goisfridus Robertus comes de Moritolio Robertus de Belesme Osbernus Gifardus Hubertus de Portu Godefridus filius Alberede et Turstinus Hastevilain Ut hec igitur in perpetuum inconcussa permaneant ego Willelmus rex signum munimenti imponens mea auctoritate meorumque primatum consensu firmavi anno ab incarnatione Domini millesimo octogesimo tercio mense julio die festivitatis sancti Arnulfi episcopi et martyris Signum Willelmi regis Signum Ricardi de Corceio Signum Huberti de Portu Signum Sansonis Signum Willelmi de Tornebu Signum Roberti comitis de Moritolio Signum Roberti de Belesme Signum Alani comitis