Charter Document - 03770168

Ego Rogerius de Montegomerico fidelis domini mei Willelmi Anglorum regis Normannorum et Cenomannorum principis ob amorem Dei et ejusdem domini mei et pro salute anime mee trado cenobi quod ab eo in burgo Cadomo in honorem beati Stephani constructum est burgum de [Trum] cum silva de Alge et [cum terris et lundis] et omnibus ad ipsum burgum pertinentibus exceptis molendinis et decimis que jam aliis ecclesiis concessi ea conditione servata [ut] quamdiu ego vixero vel idem dominus meus aut uxor mea liceat michi si voluero ipsum burgum in meo habere dominio Post mortem vero meam vel domini mei aut uxoris mee deveniat in jus et possessionem prefati cenobii ut liberum [sit] abbatibus et monachis inibi [Deo] servientibus canonice ipsum disponere dare tenere et quicquid regulariter et secundum Deum utile de eo prospexerint adimplere Et ut certum hoc de reliquo fiat et in posterum dubitatio nulla remaneat concedo in presentiarum domum Aiulfi Guirelli cum omnibus consuetudinibus [de] ea domo ad me pertinentibus tam de indigenis quam de extraneis mercatoribus in ea aliquid ementibus vel vendentibus seu aliquid unde commodum provenire soleat contrahentibus Hoc donum idem dominus meus sua auctoritate firmavit et in memoriam ipsius donationis viam que extra burgum ducebat per burgum ire concessit Testes Henricus filius Rogeri de Bello Monte Haimo Gislebertus Haretel et alii plures Hoc donum idem Rogerus in dedicatione ecclesie beati Stephani postea super altare tradidit concedente Willelmo Anglorum rege Normannorum et Cenomannorum principe et filio suo Roberto et Willelmo et Roberto de Belesmo Testes Lanfrancus Canturiensis archiepiscopus Odo Baiocensis episcopus Rogerus de Bello Monte et alii plures qui ei dedicationi interfuere Hoc donum etiam postea firmavit Robertus de Belesmo et cum eo duo de suis hominibus Willelmus Paganellus et Gulferus de Vilereit Testes qui huic confirmationi interfuere Robertus comes de Moretonio Bernardus de Novo mercato Hubertus de Portu Rodulfus Suhardus et alii plures Ego Robertus comes de Moretonio pro amore Dei et domini mei Willelmi Anglorum regis Normannorum et Cenomannorum principis [et pro] salute anime mee trado cenobio Beati Stephani quod ab eo constructum est in burgo Cadomo villam juris mei quam Hultivillam vocant cum colonis et conditionariis ac liberis hominibus seu omnibus redditibus et consuetudinibus ad eam pertinentibus ea conditione servata ut quam diu ego vixero vel idem dominus meus aut uxor mea liceat michi si voluero ipsam villam in meo habere dominio Post mortem vero meam vel domini mei aut uxoris mee deveniat [in jus] et possessionem prefati cenobii ut liberum sit abbatibus et monachis inibi Deo servientibus quicquid de ea velint secundum Deum facere Et ut certum hoc de reliquo fiat et in posterum dubitatio nulla remaneat do inpresentiarum de eadem villa presbiterum cum tota terra sua ecclesiam quoque cum decima et unum hospitem ut sit deinceps in abbatis potestate quicquid sibi placuerit secundum Deum de eis statuere Hoc donum idem dominus meus concessit suaque auctoritate firmavit Testes Lanfrancus [Canturiensis] archiepiscopus Odo Baiocensis episcopus Robertus regis filius et Willelmus et alii plures qui dedicationi interfuere Ego Ricardus filius Turstini vicecomes Abrincensis trado cenobio Sancti Stephani de Cadomo pro [anima mea] et domini mei Willelmi regis Anglorum principis Normannorum et Cenomannorum terram juris mei quam habeo in Ruschivilla de fedio Turstini filii Ricardi concedente simul et mecum donante ipso Turstino filio Ricardi inpresentia [prefati regis] Willelmi Testes Willelmus filius Osberni Rogerius de Bello Monte Gauffridus de Magnivilla et alii plures Ego Rannulfus vicecomes Baiocensis trado cenobio Beati Stephani de Cadomo pro salute anime mee dominique mei Willelmi regis Anglorum principis Normannorum et Cenomannorum et omnium parentum meorum ecclesiam de Boiavilla cum alodio et omni decima ad eam pertinente et totam terram quam in Brittivilla Orgulosa habeo cum parte ecclesie ad eam pertinente cum colonis et liberis hominibus et omnibus ad eam pertinentibus ea conditione servata ut quamdiu ego vixero si michi placuerit in meo dominio eam retineam Quod si ego monachus fiam vel quenlibet de filiis meis monachum fecero statim in ecclesie dominium deveniant Si autem horum neutrum fecero post mortem meam cum omni portione substantie mee in dominium ecclesie transeant Hoc donum concessit et firmavit Willelmus rex Anglorum princeps Normannorum et Cenomannorum prefato Rannulfo concedente et deprecante Testes Lanfrancus Canturiensis archiepiscopus Odo Baiocensis episcopus Rogerus de Montegomerico Willelmus de Semillei et alii plures Ego Robertus Bertrannus trado cenobio Beati Stephani de Cadomo imminente morte concedentibus uxore mea et liberis quicquid terre in Brittivilla Orgulosa habeo cum parte mea ecclesie cum colonis et liberis hominibus et omnibus ad eam pertinentibus Hoc donum Willelmus rex Anglorum princeps Normannorum et Cenomannorum sua auctoritate firmavit Testes Durandus de Diva Willelmus filius Tedbaldi Gotscelinus et alii plures Ego Eudo non immemor beneficii a beato Stephano in egritudine mea michi collati trado cenobio quod in honorem ejus a domino meo Willelmo Anglorum rege Normannorum et Cenomannorum principe in burgo Cadomo constructum est totam partem que ad me pertinet de villa cui Balta nomen est cum terris cultis et incultis pratis pascuis decimis molendinis aquis et omnibus [mei juris] ad ipsam villam pertinentibus terram quoque de Hotot [cujus unam] medietatem ego habeo in meo dominio alteram tenet Willelmus de fedio meo De silva vero que in meo remanet dominio hanc monachis et monachorum hominibus in [prefatis] terris degentibus consuetudinem concedo [pasturam] videlicet et pastionem porcis et reliquis animantibus eorum ligna ad [focos] domos faciendas sive reficiendas clausuras et ad omnem eorum necessarium usum Tamen si ligna viridia excidere oportuerit monachi seu homines eorum petant licentiam a forestariis quatinus ipsi eant et ubi competenter [incidi] possent ostendant Qui si forte [ire] renuerint seu dolo vel aliqua calliditate monstrare despexerint aut [quod mali] ministri facere solent locum non aptum ad incidendum monstraverit tunc liceat monachis et eorum hominibus neglectis eis in silvam ire et ubi voluerint ad prefatos usus ligna incidere Testes Turgisius Rogerius de Broei Godefridus Gunfridus Gotscelinus et alii plures Ego Robertus de Molbrai comes de Northumberlant trado cenobio Sancti Stephani quod in Cadomo situm est id quod habeo in territorio de Vileriis que sunt in Alge juxta Boseval in elemosina quiete in perpetuum tenendum sine alio servitio preter id quod monachi ejusdem cenobii de me semper idipsum in elemosina cognoscant et pro salute anime mee et omnium parentum meorum Deo semper inde servitium faciant concedente domino meo Willelmo Anglorum rege Normannorum quoque et Cenomannorum principe Testes Rodulfus siniscalcus et Ricardus filius Tedaldi Serlo de Britivilla Rodulfus de Bracio et alii plures Ego Ingilrannus cum Agnete uxore meo trado pro salute mea et pro anima patris ac mee Cadomensi cenobio Sancti Stephani ecclesiam de villa quam vocant Alnetum ab omni episcopali consuetudine liberam sicut ego et antecessores mei hactenus habuimus excepto quod de ipsis parochianis nullam foris facturam monachi accipient Trado etiam totam decimam [mearum] precationum [et] corvetarum atque mearum carrucarum si ibi fuerint duas quoque partes decime de tota villa et unam acram terre ubi possit grancia fieri ea conditione ut mittant monachi in eadem ecclesia convenientem clericum Si vero non miserint commonebo eos convenienter sicut fratres meos et si id facere noluerint totum in manu mea retinebo donec clericum ibi mittant qui ecclesie competenter serviat Dabit autem chrisma ecclesia Alneti ecclesie de Balchei sicut dare consuevit Concedo etiam post obitum meum aut uxoris mee terciam partem ejusdem decime Testes de parte sancti Stephani Anschitillus de Alamannia Anschitillus filius Belesent Rannulfus filius Ulgeri Robertus de Ros De parte Ingilranni Rodulfus filius Anseredi Willelmus Crassus Robertus de Ebreceio et alii plures Ego Rodvlfus filius Anseredi do sancto Stephano lx et xiii acras alodii mei in territorio de Boseval et quartam partem in duobus molendinis et octavam in tercio post mortem meam si me sine liberis legitimis mori contigerit ea conditione servata ut quicquid de ipsa terra in morte mea in dominio habebo ecclesia quoque in suo dominio habeat et quod jam datum est vel a me dabitur quibus libet hominibus ipsi habeant et de ecclesia teneant Testes Willelmus Rodulfus Godefridus Gotscelinus et alii Ego Rodulfus filius Herfredi do cenobio Beati Stephani et Cadomo medietatem terre quam juxta Badventum habeo sicut dividit domus Normanni de Breitvilla et crux que est in bivio consuetudinem quoque pasture sicut ego habeo Testes Durandus de Diva Hugo frater ejus Ricardus filius Herluini Ego Rainardus regis Willelmi camerarius do cenobio Sancti Stephani de Cadomo super altare unacum filio meo Corbello molendinum de Waimara quod de rege teneo ea conditione ut quocumque die voluero fieri monachus pro eo in jamdicto cenobio suscipiar Testes Godefridus pratarius Gotscelinus Warinus Ego Bernardus filius Ospaci trado cenobio Sancti Stephani de Cadomo domum Rothomagi quam habeo juxta murum civitatis et cum ea penes ipsam situm viridiarium omnia quoque prata que habeo ad Batpalmas et unum equitem cum terra sua qui eadem prata custodit ea conditione ut quamdiu in seculari habitu vixero ea in dominio meo retineam hospitium abbati atque priori prestem eorum equis singulis annis tria plaustra feni de predictis pratis tribuam Quod si monachus fieri voluero vel in seculari habitu obiero in dominium sancti Stephani deveniant et nepos meus Gualterus quamdiu vixerit in eadem domo hospes remaneat Testes Rannulfus filius Oteri Durandus de Diva Ego Willelmus filius Sueni trado ecclesie Sancti Stephani Cadomi site pro anima patris et matris mee et mea necnon pro animabus omnium parentum meorum domum meam quam jure hereditatis habeo in civitate Rotomagi cum viridiario atque tota ipsius perprehensione concedente sorore mea Albereda et ejus filio Ricardo ea quidem conditione ut quamdiu ego vixero vel predicta soror mea in dominio sit et potestate nostra Si vero ibidem hospitari voluerint predicte ecclesie monachi aut eorum homines ut in domo sua recipientur Post obitum autem meum et sororis mee licebit monachis absque omni contradictione ad eorum arbitrium quicquid eis de ea visum fuerit facere Concedo etiam jamdicto cenobio totam portionem substantie mee post obitum meum Testes Willelmus archiepiscopus Willelmus abbas Fiscannensis Fulco abbas Divensis Goslenus archidiaconus Willelmus cocus Godefridus pratarius Ivolinus minutor Ego Serlo de Lingevrio homo peccator et misericordia Dei indigens consilio et auxilio sanctorum virorum providi tradere et tradidi de jure meo cenobio Sancti Stephani de Cadomo ecclesiam de Buxedello cum tribus acris terre et dimidia et tota recta decima de dominio meo et villanis meis cum tercia quoque parte decime de militibus meis jamdicte ville et de aliis parochianis qui ad eandem ecclesiam conveniunt pro salute mea [et] uxoris mee filiorum quoque et omnium parentum meorum concedente hoc uxore mea et filiis meis concedente quoque domino meo Willelmo Anglorum rege Normannorum et Cenomannorum principe et Willelmo camerario et Roberto de Molbrai de quorum fedio predicte ville terram et ecclesiam teneo Concessi etiam ut cum predicti milites mei dare voluerint [sancto Stephano totam rectam] decimam [ut habeat] sicut et meam Et ut hec donatio mea firma et stabilis in perpetuum permaneat recepi [a Gileberto] tunc temporis [abbate] jamdicti monasterii ex caritate xlv libras denariorum et duas marcas argenti et Rannulfus filius meus habuit unum bonum palefridum De hoc vero dedi eidem abbati fidejussores Rannulfum videlicet filium meum Arnaldum de [Tilleio] Robertum de Maisnilio ut si aliquando quis calumniam inferret sancto Stephano de [hac mea] donatione ego vel heres meus omnino bene adquietaret Testes ex parte mea qui et fidejussores et Willelmus Pictavensis et Willelmus de Hotat Ex parte sancti Stephani Willelmus de Taisel Anschitillus de Maletot et Rogerus filius ejus Willelmus filius Tedbaldi et alii Ego Willelmus Goiz trado cenobio Sancti Stephani de Cadomo terram quam tenebat de me Robertus medicus in Starvilla et Columbeio concedentibus fratribus meis et sororibus et domino meo Hugone Cestrensi comite Testes Rannulfus Tesardus Rogerus filius Murdaci Robertus ipse medicus Ego Hugo de Rosel trado cenobio Sancti Stephani de Cadomo terram quam in Grainvilla teneo de beneficio regis eodem rege concedente cum uxore mea et filio meo Hugone ea conditione ut in presenti me recipiant abbas et monachi [ad ordinem] Testes Hugo filius meus Rodulfus de Grainvilla Robertus de Ros et alii plures Has donationes [quas barones] et fideles mei pro amore meo et salute sua abbatie mee fecerunt cum gratiarum actione suscipio concedo et cum eis hec eadem confirmantibus mea manu et auctoritate corroboro et confirmo Quas qui auxerint augeat illis Deus bona presentia et futura Qui autem detraxerint vel imminuerint metuant a Deo pro factis digna recipienda Signum Willelmi regis Anglorum principis Normannorum [et] Cenomannorum Signum Mathildis regis regine Signum Roberti filii regis Signum Willelmi filii regis Signum Henrici filii regis Signum Lanfranci Canturiensis archiepiscopi Signum Willelmi Rotomagensis archiepiscopi Signum Odonis Baiocensis episcopi Signum Gisleberti Luxoviensis episcopi Signum Gauffridi Constantiensis episcopi Signum Michaelis Abrincensis episcopi Signum Gisleberti Ebroicensis episcopi Signum Roberti Sagiensis episcopi Signum Rogeri comitis de Montegomerico Signum Roberti comitis de Moretonio Signum Willelmi comitis Ebroiecensis Signum Rogeri de Bello Monte Signum Roberti comitis de Mellent Signum Roberti de Belesme Signum Henrici de Bellomonte Signum Hugonis de Monteforti Signum Roberti Betranni Signum Willelmi Betranni Signum Ricardi filii Turstini Signum Rannulfi vicecomitis Signum Hugonis comitis Signum Eudonis vicecomitis Signum Roberti comitis de Molbrai Signum Ingilranni filii Ilberti Signum Rodulfi filii Anseredi Signum Willelmi Goiz Signum Rainardi Signum Hugonis filii Hugonis de Rosel Signum Serlonis de Lingevrio Signum Corbelli camerarii filii Rainardi Signum Willelmi canonici filii Sueni Signum Bernardi filii Ospaci Signum Rodulfi filii Herfredi