Charter Document - 03770140

Guillelmus Dei gratia rex Anglorum et dux Normannorum atque princeps Cenomannorum omnibus fidei katholice fautoribus pacemque in ecclesia servantibus summum et inexplicabile gaudii munus Quoniam brevis est mortalis vita et de generatione in generationem transeunt omnia volumus litterarum testimonio temporis nostri decreta confirmare ut que nos recte facimus e nostro iure et ex data a Deo potestate nemo successorum nostrorum audeat violare ne scilicet ei contradicat qui omnia regna suo arbitrio dispensat Ego itaque Guillelmus Dei gratia rex in regno michi divinitus commisso elemosinam que michi perenniter prosit cenobio beati Ebrulfi tradere dispono et ea que fideles nostri pro communi omnium salute de possessionibus quas eis dedi legitime Deo dant concedo presentique cirographo confirmationem nostram presentibus et futuris omnibus Dei fidelibus notifico In primis igitur Uticensi monasterio quod beatus Christi confessor Ebrulfus construxit in heremo de dominio meo pro amore Dei dono in Gloucestrescira villam que Rawella id est Capree Fons dicitur et in Nicholescira quandam ecclesiam et quicquid ad eam pertinet in villa que Nethleham uocatur Preterea optimates nostri de rebus suis sancto Ebrulfo hec largiti sunt atque ut in karta regie auctoritatis contra omnium infestationes inserantur poposcerunt Rogerius comes Scrobesburie dedit omnem quod habebat in Melleburna in Grantesbrugescira Othnam quoque et Merestonam in Estafordescira et unam hidam terre in Graphan et terram Vulfuini aurifabri in Cicestra decimamque caseorum et lanarum de Pultona et decimam de Senegai in Grantesbrugescira Mabilia uero filia eiusdem comitis de reditibus suis in Anglia lx solidos sterilensium pro decimis suis dedit sancto Ebrulfo per singulos annos ad luminaria ecclesie Guarinus vicecomes de Scrobesburia dedit sancto Ebrulfo Neutonam et ecclesiam de Halis cum decima decimamque de Guestona in Estafordescira et hec dominus eius Rogerius comes concessit Porro Hugo de Grentemaisnil qui cum Rodberto fratre suo et avunculis suis Guillelmo et Rodberto filiis Geroii Uticense restaurarat cenobium hec eidem dedit in Anglia in perpetuam hereditatem Totam terram quam habuit in parva Pilardentona in Guareuichescira omniumque duas partes decimarum totius terre sue dedit et xvi rusticos ad ipsas decimas custodiendas atque novem ecclesias Dedit enim tres villanos Sceltone tres Guaris duos Belegrave unum Stotone unum Langheton unum Tormodestone unum Cherchebie unum Mersitone unum Ostesilue unum Cherlentone et alium in alia Cherlentona Dedit eciam ecclesiam de Guaris et totam decimam que ad illam pertinebat terramque duarum carrucarum ecclesiam de Turchillestona decimamque ad illam pertinentem et duas virgatas terre ecclesiam de Clenefeld cum decima tota et duabus virgatis terre ecclesiam de Charlentona cum decima et quinque virgatis terre ecclesiam de Noueslai cum decima et duabus virgatis terre ecclesiam de Merthegraua que nunc alio nomine Belegrava dicitur cum tota decima et xi virgatis terre et Guillecotam et quicquid Hugo clericus de Sappo in Anglia de ipso tenebat ecclesiam de Mersitona cum tota decima et terra ad ecclesiam pertinente ecclesiam quoque de Pilardentona cum decima et rebus ad ecclesiam pertinentibus et ecclesiam de alia Charlentona cum decima et tribus virgatis terre ecclesiam vero de Coteford cum decima et una hida terre ecclesiamque de Pellingis cum toto quod Leofricus ibidem de ipso tenebat Hec sunt que Hugo de Grentemaisnil sancto Ebrulfo me concedente dedit in Anglia Radulfus quoque de Conchis eidem sancto dedit duos manerios Alwintonam in Guighercestrescira et Caldecotam in Nortfuch et Hugo filius Constantii dedit ecclesiam de Guafra et unam hidam terre Hugo autem Cestrensis comes filium suum nomine Rodbertum in Uticensi monasterio ad monachatum Deo optulit et eidem ecclesie dedit unam hidam terre in parva Pilardentona et decimam ac unum rusticum in villa que dicitur Brichella decimamque de Sanleia in Buccingehamscira Rodbertus uero de Rodelento prefato Hugone Cestrensi comite domino suo concedente dedit sancto Ebrulfo Cherchebiam cum duabus ecclesiis una scilicet que in ipsa villa est et alia prope illum manerium in insula maris et ecclesiam sancti Petri apostoli et quicquid ad eam pertinebat in Cestrensi urbe et in Merestona que est in Northamtonescira ecclesiam sancti Laurentii et quicquid ad eam pertinet et in eadem provincia ecclesiam de Biuella cum duabus terre carrucatis Alii quoque homines Hugonis comitis Uticensi ecclesie decimas suas dederunt in Nicholescira Rozscelinus de Estentona Osbernus Tezsonis filius de Neubela Baldricus de Farefort decimam cum uno rustico Rogerius de Millai et Brisard et Rodbertus Pultrel in Legrecestrescira Omnes hi sancto Ebrulfo decimas suas dederunt et predictus comes gratanter concessit Hec itaque que de nostro dominio sepe memorate ecclesie dedi et omnia que sicut a baronibus nostris eidem data sunt concessi anno ab incarnatione Domini millesimo octogesimo primo indictione iiii presenti cirographo in urbe Guenta corroboro et proceribus meis qui elemosinas suas dederunt uel astipulatores earum sunt hoc testamentum signo sancte Crucis dedicandum trado ut in eternum regali auctoritate rata sit hec donatio et sacrilegos sacrarum violatores rerum inremediabilis nisi a reatu resipuerint feriat maledictio In hac nimirum carta Guillelmus magnus rex Anglorum primus signum sancte Crucis edidit et subsequentes magnati subscripserunt quorum hic nomina subscripta sunt Rodbertus et Guillelmus filii regis maximique consules Rogerius de Scrobesburia et Hugo de Cestra Rodulfus de Conchis et Guillelmus de Britolio Hugo de Grentemaisnil et nepos eius Rodbertus de Rodelento Rodbertus filius Murdaci et Gulferius de Vilereio Guillelmus de Molinis et Richerius de Aquila Eudo dapifer et Guarinus vicecomes de Scrobesburia Annuo preterea et presenti cirograffo confirmo quicquid Hugo de Grantemaysnil dedit sancto Ebrulfo de possessione sua quam sibi dedi in Anglica terra hac est totam terram quam habebat in parva Pilardingtona et duas partes decimarum de tota terra sua et duodecim rusticos et viii ecclesias et quicquid Hugo de Sapo tenebat [] Signum regis Willelmi Signum Rogeri comitis Signum Hugonis comitis + + + Signum Eudonis dapiferi Signum Roberti filii Murdaci + +